తెలుగు సినీ పరిశ్రమలో తక్కువ కాలంలోనే స్టార్‌ హీరోయిన్‌గా ఎదిగింది రకుల్ ప్రీత్ సింగ్. దాదాపు అందరు యువ హీరోల సరసన అవకాశాలు దక్కించుకున్న ఈ బ్యూటీ ప్రస్తుతం తెలుగు, హిందీ, తమిళ భాషల్లో వరుస చిత్రాలతో బిజీగా ఉన్నారు.ఈ సందర్భంగా ఓ ఇంటర్వ్యూలో ఆసక్తికర విషయాలను వెల్లడించింది.
ఎన్టీఆర్ సినిమాలో శ్రీదేవి పాత్రలో నటిస్తున్నాని తెలిపిన రకుల్ తానే కాదు శ్రీదేవిలా ఎవరు నటించలేరన్నారు. శ్రీదేవి పాత్ర చేయడం ఒత్తిడితో కూడుకున్న పని అయినా నా బెస్ట్ ఇవ్వడానికి ట్రై చేశానని తెలిపింది.
నటీనటులకు జయాపజయాలు సర్వసాధారణమేనని తెలిపారు. నా సినిమా హిట్టైనా,ఫ్లాపైనా పార్టీ చేసుకుంటానని చెప్పారు. సినిమాల్లో అవకాశాలు రాక ఇబ్బందిపడటం కంటే ఏదో ఒక చిత్ర పరిశ్రమలో స్టార్‌డం సంపాదించుకోవడం మేలని సూచించింది.
నటనతో పాటు ఫిట్నెస్ అంటే చాలా ఇష్టమని అందుకే మూడు ఫిట్నెస్ సెంటర్లను ఏర్పాటు చేశానని తెలిపారు. త్వరలో ఓ రెస్టారెంట్‌ను కూడా ప్రారంభిస్తున్నట్లు తెలిపింది. ప్రపంచాన్ని చుట్టి రావాలన్నది నా జీవిత కల అని వివిధ ప్రదేశాల్లో ఉన్న ఆహారపదార్థాలను రుచి చూడాలని ఉందని చెప్పుకొచ్చింది.
