తెలుగు చిత్ర పరిశ్రమలో రకుల్ ప్రీత్ సింగ్ క్రేజీ తార. చిన్న సినిమాలతో తన కెరీర్ ను స్టార్ట్ చేసిన రకుల్ ప్రీత్ సింగ్ ఊహించని అవకాశాలతో ఒక్కో మెట్టు ఎక్కుతూ తన సినీ ప్రయాణాన్ని కొనసాగిస్తుంది. ప్రస్తుతం తెలుగులో భారీ చిత్రాల్లో రకుల్ నటిస్తుంది.ఇప్పుడు రకుల్ స్పీడ్ చూసి మిగతా కథానాయికలు కంగారు పడిపోతున్నారు. కొందరు ఆమెను రకుల్ ప్రీత్ సింగ్ కాదు –రకుల్ స్పీడ్ సింగ్ అని కూడా అంటున్నారు. తెలుగులో అగ్రహీరోలతో కంటిన్యూగా సినిమాల్లో నటిస్తున్న రకుల్ ప్రీత్ సింగ్ తమిళంలో కార్తీ సరసన ‘ధీరమ్ అధిగారం ఒండ్రు’ మూవీ చేస్తుంది.
తెలుగు హీరోలందరినీ ఒక రౌండ్ వేసెసి, టాప్ లీగ్ లోకి చేరిపోయిన రకుల్ ప్రీత్ సింగ్ మరో మాంచి క్రేజీ ప్రాజెక్ట్ కు ఓకె అయిపోయింది. తమిళ్ సూపర్ స్టార్ సూర్య సరసన హీరోయిన్ గా రకుల్ ఫైనల్ అయిపోయింది.సెల్వ రాఘవన్ డైరెక్షన్ లో సూర్య హీరోగా ఒక భారీ సినిమా ప్రాజెక్ట్ కు ఏర్పాట్లు చేస్తుండగా ఈ సినిమాలో కథానాయికగా రకుల్ ను ఎంపిక చేసుకున్నట్టు సమాచారం. ఇప్పటికే విజయ్ సినిమాలోనూ ఛాన్స్ దక్కించుకున్న ఈమె హిందీలోను ఆ దిశగానే పావులు కదుపుతుంది. దీనిని చూసినవాళ్ళు యంగ్ భామ దూకుడు మాములుగా లేదంటున్నారు.
