రోబో సినిమాతో రికార్డు క్రియేట్ చేసాడు దర్శకుడు శంకర్.సుపర్‌స్టార్ రజనీ గురించి ప్రత్యేకంగా చెప్పే అవసరం లేదు మరి వీరిద్దరి కాంబినేషన్ అంటే అంచనాలు బారీగానే ఉంటాయి.శంకర్ సినిమాలు కొత్తగా ఉంటాయి ఆయన చేసి ప్రతీ సినిమాలో కథానాయడిని వేరైటీగా చూపిస్తాడు.రజనీతో మరో మూవీ కూడా పూర్తి చేయడానికి రెడీగా ఉన్నారట.
రజినీకాంత్ – శంకర్ కాంబినేషన్లో ‘2.0’ సినిమా చాలాకాలంగా తెరకెక్కుతోంది. తాజాగా ఈ సినిమా చివరి షెడ్యూల్ మొదలైంది. రజనీ .. ఎమీ జాక్సన్ తదితరులపై కొన్ని ముఖ్యమైన సన్నివేశాలను ఈ షెడ్యూల్ లో చిత్రీకరించనున్నారు. ఇంతవరకూ 80 శాతం చిత్రీకరణను పూర్తి చేసుకున్న ఈ సినిమా, ఈ షెడ్యూల్ తో షూటింగ్ పార్టు పూర్తి చేసుకోనుంది.
పోస్ట్ ప్రొడక్షన్ పనులు .. వి ఎఫ్ ఎక్స్ పనులను చాలా వేగంగా జరుపుతున్నారు. దీపావళికి ఈ సినిమాను విడుదల చేయనున్నారు. శంకర్ – రజనీ కాంబినేషన్ పై అందరిలోనూ ఆసక్తి వుంది. ఈ కాంబినేషన్ కి అక్షయ్ కుమార్ తోడు కావడంతో ఈ ప్రాజెక్ట్‌పై మరింత క్రేజ్‌ పెరిగిపోయింది. ‘రోబో’కి మించిన అంచనాలతో ఈ సినిమా కోసం ఆడియన్స్ ఎదురుచూస్తున్నారు. మరి ఈ మూవీతో ఎలాంటి రికార్డ్ క్రియేట్ చేస్తారో మరి కొంత కాలం వేచి చూడాలి.
