సూపర్ స్టార్ రజనీకాంత్ మోస్ట్ ఎవైటెడ్ యాక్షన్ ఎంటర్ టైనర్ ‘జైలర్’. నెల్సన్ దర్శకత్వంలో సన్ పిక్చర్స్‌పై కళానిధి మారన్ ప్రతిష్టాత్మకంగా నిర్మించిన ఈ చిత్రాన్ని తెలుగులో ఏషియన్ మల్టీప్లెక్స్ ప్రైవేట్ లిమిటెడ్, శ్రీ వెంకటేశ్వర క్రియేషన్స్ గ్రాండ్ గా విడుదల చేశాయి. ఆగస్టు 10న ప్రపంచవ్యాప్తంగా ప్రేక్షకుల ముందుకు వచ్చిన ఈ చిత్రం అన్ని వర్గాల ప్రేక్షకులని అలరించి బ్లాక్ బస్టర్ విజయాన్ని అందుకుంది.
కన్నడ స్టార్ హీరో శివరాజ్ కుమార్, మ‌ల‌యాళ సూపర్ స్టార్ మోహన్ లాల్, జాకీ ష్రాఫ్, సునీల్ లాంటి స్టార్స్ నటన సినిమాకు ప్లస్ కాగా అనిరుద్ సంగీతం మరో హైలైట్. మొదటి రోజే ప్రపంచవ్యాప్తంగా 95 కోట్ల గ్రాస్ కలెక్షన్స్ వసూలు చేయగా రెండో రోజు 56 కోట్లు, మూడో రోజు 68 కోట్లు వసూలు చేసి 200 కోట్ల మార్క్ దాటింది.
Also Read:అహింసే మహాత్ముడి…ఆయుధం
మూడు రోజుల్లోనే ప్రపంచవ్యాప్తంగా ఏకంగా 220 కోట్లకు పైగా గ్రాస్ కలెక్షన్స్ వసూలు చేసింది. అంటే ఆల్మోస్ట్ షేర్ 110 కోట్లపైనే కలెక్ట్ చేసింది. ఇదే ఊపు కంటిన్యూ చేస్తే జైలర్ ఇంకో రెండు రోజుల్లో 300 కోట్లు దాటడం ఖాయంగా కనిపిస్తోంది.
