దర్బార్ తర్వాత తలైవర్ 168

వరుస సినిమాలతో జోష్ మీదున్నాడు సూపర్ స్టార్ రజనీకాంత్. శంకర్ దర్శకత్వంలో వచ్చిన 2.0తో పాటు కార్తీక్ సుబ్బరాజు దర్శకత్వంలో వచ్చిన పేటా బాక్సాపీస్ వద్ద భారీ వసూళ్లను రాబట్టింది. ప్రస్తుతం మురుగదాస్ దర్శకత్వంలో దర్బార్ మూవీ చేస్తున్న రజనీ ఈ సినిమా సెట్స్ పై ఉండగానే మరో సినిమాకు కమిట్ అయ్యారు.

దర్బార్ తర్వాత తలైవర్ 168లో నటించనున్నారు రజనీ. సిరుతై శివ చెప్పిన కథ నచ్చడంతో రజనీ వెంటనే ఒకే చెప్పారని కోలీవుడ్ వర్గాల టాక్. సన్ పిక్చర్స్‌ ఈ సినిమాను నిర్మించనుండగా గ్రామీణ నేపథ్యంలో ఈ సినిమా ఉండనుందని టాక్‌.

త్వరలోనే ఈ సినిమాకు సంబందించిన అఫిషియల్ అనౌన్స్‌ మెంట్ వచ్చే అవకాశం ఉంది. 2020 దీపావళికి సినిమాను రిలీజ్ చేసే విధంగా ప్లాన్ చేస్తున్నట్టు తెలుస్తోంది.