రాజమౌళి… ఈ పేరు వినగానే ఇప్పుడు పాన్ ఇండియా సినిమాలు గుర్తుకొస్తున్నాయి. బాహుబలి తర్వాత పాన్ ఇండియా సినిమాలపై దృష్టిసారించిన జక్కన్న…ఇటీవలె ఆర్ఆర్ఆర్‌తో బిగ్గెస్ట్ సక్సెస్‌ను అందుకున్నారు. ఎన్టీఆర్,చరణ్‌ హీరోలుగా తెరకెక్కిన ఈ చిత్రం రూ. 600 కోట్లతో తెరకెక్కగా తాజాగా తన నెక్ట్స్ ప్రాజెక్టును మహేష్‌తో చేయనున్నాడు జక్కన్న.
ఈ సినిమాను ఏకంగా రూ. వెయ్యి కోట్ల బడ్జెట్‌తో తెరకెక్కించనున్నారట. ఈ సినిమాకు కథ..రాజమౌళి తండ్రి విజయేంద్రప్రసాద్ అందిస్తుండగా ఫారెస్ట్ బ్యాక్‌డ్రాప్‌తో తెరకెక్కనుంది. సినిమా ఎక్కువ భాగం ఆఫ్రికన్ అడవుల్లో చిత్రీకరించనున్నారు. ఈ సినిమాలో మహేష్ డిఫరెంట్ హెయిర్‌స్టైల్‌తో పాటు డిఫరెంట్ లుక్‌లో కనిపించనున్నాడు.
ప్రస్తుతం మహేష్ నటించిన సర్కార్ వారి పాట పూర్తి చేసి మేలో విడుదల కానుంది. అలాగే త్రివిక్రమ్‌తో సినిమాకు కమిట్ అయ్యారు మహేష్. ఇక కొరటాల కూడా మహేష్ కోసం ఓ కథను సిద్ధం చేయగా ఎవరితో ముందుగా సినిమా తీస్తాడనేది ఆసక్తికరంగా మారింది.
