పూరి జగన్నాథ్ మేకింగ్ స్టైల్ చాలా డిఫరెంటుగా ఉంటుంది. బాలయ్య అంటే యాక్షన్ దబ్బిడి దిబ్బిడే. వీరిద్దరి కాంబినేషన్లో వస్తున్న సినిమా కావడంతో అభిమానుల్లో అంచనాలు భారీగా ఉన్నాయి. ట్రైలర్లు, టీజర్లు చూసిన తర్వాత బాలయ్యను ఇప్పటి వరకు ఏ సినిమాలోనూ చూడనంత స్టైలిష్‌ గా చూపించారు బాలయ్య. ఇప్పటికే ప్రిమీయర్, మార్నింగ్ షోలు పడ్డాయి. సినిమా హిట్ టాక్ ను సంపాదించుకుంది. రివ్యూలన్నీ సినిమా చాలా బాగుందని చెబుతున్నాయి. బాలయ్య 101వ సినిమా సక్సెస్ కావడంతో ఆయన అభిమానులు ఆనందంలో మునిగి తేలుతున్నారు.
ఈ నేపథ్యంలో మరో విజయాన్ని చేజిక్కంచుకున్న బాలయ్యపై సినీ ప్రముఖలు ప్రశంసలు కురిపిస్తున్నారు. ఈ సందర్భంగా దర్శక దిగ్గజం రాజమౌళి బాలయ్యపై ప్రశంసలు కురిపించాడు. “కోకాకోలా పెప్సీ! బాలయ్య బాబు సెక్సీ!! ఇంతకు మించి ఎక్కువ చెప్పాల్సిన అవసరం లేదు” అంటూ ట్వీట్ చేశాడు. గత 100 సినిమాల్లో లేనంత ఎనర్జిటిక్ గా బాలయ్యను పూరి జగన్నాథ్ చూపించాడని కితాబిచ్చాడు.
Coca cola Pepsi !
Balayya babu Sexy !!
Nothing more needs to be said…— rajamouli ss (@ssrajamouli) September 1, 2017
