సూపర్ స్టార్ మహేష్ , రాజమౌళి కాంబోలో సినిమా తెరకెక్క నున్న విషయం తెలిసిందే. RRR రిలీజ్ కంటే ముందే ఎనౌన్స్ అయిన ఈ క్రేజీ ప్రాజెక్ట్ ఈ ఏడాది చివర్లో లేదా వచ్చే ఏడాది సెట్స్ పైకి వెళ్లనుంది. ఇప్పటికే తండ్రి తో కలిసి రాజమౌళి మహేష్ కోసం ఆస్ట్రేలియా బ్యాక్ డ్రాప్ లో ఓ యాక్షన్ అడ్వెంచరస్ స్టోరీ సిద్దం చేస్తున్నారు.
అయితే ఈ ప్రాజెక్ట్ కొన్నేళ్ళ నుండి వార్తల్లో ఉంది. తాజాగా రాజమౌళి కూడా మహేష్ తో తన ప్రాజెక్ట్ పదేళ్ళుగా పెండింగ్ లో ఉందని తెలిపాడు. ఫైనల్ గా ఈ ప్రాజెక్ట్ తో ఇప్పుడు ఇద్దరం గ్లోబ్ అద్వెంచర్ చేయబోతున్నాం. వరల్డ్ సినిమా అంటే పిచ్చి ప్యాషన్ ఉన్న టెక్నీషియన్స్ ప్రాజెక్ట్ కి వర్క్ చేయనున్నారని తెలిపాడు. ఈ సినిమాను ఏ స్థాయిలో చేయాలని ఆలోచిస్తున్నాం అంటూ చెప్పుకొచ్చాడు రాజమౌళి.
దుర్గా ఆర్ట్స్ బేనర్ పై కే ఎల్ నారాయణ ఈ ప్రెస్టీజియస్ మూవీ ను నిర్మించనున్నాడు. పదేళ్ళ క్రితమే మహేష్ కి అలాగే రాజమౌళి కి కలిపి ఈ ఓ ప్రాజెక్ట్ కోసం అడ్వాన్స్ ఇచ్చాడు నిర్మాత. ఇప్పుడు ఎట్టకేలకు ఈ కాంబో సెట్స్ పైకి రాబోతుంది. మరి మహేష్ ను జక్కన్న ఎలా చూపిస్తాడు ? సూపర్ స్టార్ ను హాలీవుడ్ హీరోలకి దీటుగా ప్రెజెంట్ చేస్తాడా ? చూడాలి.
ఇవి కూడా చదవండి..
