మళ్ళీ దొరికిపోయిన రాధికాఆప్టే..

హీరోయిన్‌ రాధికా ఆప్టె లెజెండ్, కబాలి వంటి చిత్రాల్లో నటించడం ద్వారా దక్షిణాది ఆడియెన్స్‌లో తనదైన ముద్ర వేసుకుంది. గతంలో ఈ మరాఠి బ్యూటీ ఫేస్‌బుక్‌ ఎకౌంట్ హ్యాక్ అయిన విషయం తెలిసిందే.

ఆప్టే ఎకౌంట్‌ ని హ్యాక్‌ చెయ్యడమేకాకుండా.. హ్యాకర్స్ అప్పట్లో ఆమెకి సంబంధించిన పలు ఫోటోలని ఆన్‌లైన్‌లో లీక్ చేసిన సంగతి తెలిసిందే. ఇక అప్పటి ఘటన మరిచిపోకముందే రాధిక ఫేస్‌బుక్ ఖాతా మరోసారి హ్యాకింగ్ బారినపడింది. ఈ విషయాన్ని స్వయంగా రాధికనే ప్రకటించింది.

తన ఫేస్‌బుక్ ఎకౌంట్ హ్యాక్ అయిందని, మెస్సెంజర్ ద్వారా తనకి ఎటువంటి సందేశాలు పంపకండి అంటూ ఆమె తన ఫాలోవర్స్‌కి విజ్ఞప్తిచేసింది.

సెలబ్రిటీల సోషల్ మీడియా ఎకౌంట్స్ హ్యాక్ చేస్తున్న హ్యాకర్స్.. వారి పర్సనల్ మేటర్స్, ఫోటోలు, వీడియోలను బహిర్గతం చేస్తున్న ఘటనలు తరచుగా చోటుచేసుకుంటున్న నేపథ్యంలో మరోసారి తనకి ఆ డ్యామేజ్ జరగకుండా వెంటనే అప్రమత్తమైన రాధికాఆప్టే ఫేస్‌బుక్ టీమ్‌కి కూడా ఈ విషయాన్ని రిపోర్ట్ చేసిందట. మొత్తానికి ఈ అమ్మడు రెండోసారి కూడా హ్యాకర్ల చేతికి దొరికిపోయిందన్నమాట.