ఆనంద్ దేవరకొండ ‘పుష్పక విమానం’ వచ్చేస్తోంది..

టాలీవుడ్ హీరో ఆనంద్ దేవరకొండ నటిస్తున్న తాజా చిత్రం ‘పుష్పక విమానం’. కింగ్ ఆఫ్ ది హిల్స్, టాంగా ప్రొడక్షన్స్ బ్యానర్స్ పై విజయ్ తండ్రి గోవర్ధనరావు దేవరకొండ, విజయ్, ప్రదీప్ ఎర్రబెల్లి సంయుక్తంగా నిర్మిస్తున్న ఈ సినిమాకి దామోదర దర్శకుడు. ఇదివరకు విడుదలైన ‘పుష్పక విమానం’ ఫస్ట్ లుక్, సింగిల్స్ కు మంచి రెస్పాన్స్ వచ్చింది. ఈ చిత్రంలోని ‘కల్యాణం కమనీయం’ పాట ఇప్పటికే సూపర్ హిట్టయి సినిమాకు ఆకర్షణగా నిలిచింది.

ఈ నేపథ్యంలో తాజాగా ఈ మూవీ రిలీజ్ డేట్‌ను ప్రకటించారు. నవంబర్ 12న ఈ సినిమాను ప్రేక్షకుల ముందుకు తీసుకొస్తున్నట్లు చిత్ర బృందం తెలిపింది. ‘దొరసాని’, ‘మిడిల్ క్లాస్ మెలోడీస్’ చిత్రాల తర్వాత ఆనంద్ దేవరకొండ నటిస్తున్న ‘పుష్పక విమానం’ సినిమాపై అంచనాలు బాగానే ఉన్నాయి.