సూపర్ స్టార్ రజనీకాంత్ నెల్సన్ దిలీప్ కుమార్ దర్శకత్వంలో ‘జైలర్’ అనే సినిమా చేస్తున్న విషయం తెలిసిందే. ఈ సినిమా షూటింగ్ ప్రస్తుతం శరవేగంగా జరుపుకుంటుంది. ఈ సినిమాపై మంచి హైప్ ఉంది.
స్టార్ తెలుగు కమెడియన్ సునీల్ ఈ సినిమా సెట్స్‌లో జాయిన్ అయ్యారని తాజాగా ప్రొడక్షన్ హౌస్ వెల్లడించింది. సునీల్ డిఫరెంట్ గెటప్ లో కనిపిస్తున్న పోస్టర్ ఒకటి విడుదల చేశారు. ‘పుష్ప’ తర్వాత, సునీల్‌కు కోలీవుడ్ నుండి చాలా మంచి ఆఫర్లు వస్తున్నాయి. అందులో భాగంగానే సూపర్ స్టార్ రజనీ చిత్రంలో కీలక పాత్ర దక్కించుకున్నాడు సునీల్.
తమిళ లో శివ కార్తికేయన్ ‘మావీరన్’, కార్తీ ‘జపాన్‌’ సినిమాల్లో కూడా సునీల్ నటిస్తున్నాడు. ఈ సినిమాలతో సునీల్ కోలీవుడ్ లో కూడా నటుడిగా తనదైన ముద్ర వేసుకుంటే అక్కడ మరింత బిజీ అయ్యే ఛాన్స్ ఉంది. ప్రస్తుతం క్షణం తీరిక లేకుండా సునీల్ తెలుగు , తమిళ్ సినిమాల్లో నటిస్తున్నాడు. త్వరలోనే పుష్ప 2 సెట్స్ లో జాయిన్ అవ్వనున్నాడు.
ఇవి కూడా చదవండి…
