- Advertisement -
పూరి జగన్నాధ్ దర్శకత్వంలో విజయ్ దేవరకొండ, అనన్య పాండే జంటగా నటిస్తున్న చిత్రం లైగర్. ఆగస్టు 25న సినిమా ప్రేక్షకుల ముందుకురానుండగా సినిమాకు సంబంధించి ఆసక్తికర విషయాలు వెల్లడించారు పూరి.
ఈ సినిమాలో ప్రపంచ బాక్సింగ్ కింగ్ మైక్ టైసన్ కూడా నటిస్తుండగా విజయ్ కి, మైక్ టైసన్ కి ఫైట్ ఉంటుందా అని అంతా సందేహం అందరిలో నెలకొంది. దీనిపై పూరి జగన్నాథ్ స్పందించారు. విజయ్, మైక్ టైసన్ మధ్య ఫైట్ సీక్వెన్స్‌ ఉంది. కానీ అది బాక్సింగ్ రింగ్ లో కాదు. బయట ఉంటుందన్నారు.
బాక్సింగ్ రింగ్ లో వేరే నటులు ఉన్నారు అని తెలిపారు. దీంతో ఎక్కడైతే ఏముంది మైక్ టైసన్ తో విజయ్ ఫైట్ ఉంది అని తెలియడంతో రౌడీ ఫ్యాన్స్ సంతోషం వ్యక్తం చేస్తున్నారు. ఈ సినిమా కోసం సుమారు రెండేళ్లు విజయ్ దేవరకొండ ఫిట్‌నెస్‌ విషయంలో ఎంతో శ్రద్ధ తీసుకొని బాగా కష్టపడ్డాడు అని తెలిపారు.
- Advertisement -
