డాషింగ్ డైరెక్టర్ డైరెక్టర్ పూరిజగన్నాధ్ దర్శకత్వంలో వస్తున్నతాజా చిత్రం ‘మెహబూబా’. తన సొంత బ్యానర్‌ అయిన పూరి కనెక్ట్‌లనే ఆ సినిమాను నిర్మించారు. ఈ చిత్రంలో కథానాయికగా నటించింది నేహాశెట్టి. సందీప్ చౌతా ఈ చిత్రానికి సంగీతం అందించారు. 1971 నాటి భారత్, పాకిస్తాన్ ల మధ్య జరిగిన యుద్ధ నేపథ్యంలో జరిగిన చక్కని ప్రేమ కథతో ఈ సినిమాను తెరకెక్కించారట.
ఇప్పటికి విడుదలైన ఈ చిత్ర ట్రైలర్‌కు మంచి రస్పాన్స్ వస్తుంది. పూరి తన కొడుకు మీద ఎంతో నమ్మకంతో ఈ సినిమా చేశాడని ఏకంగా తన ఆస్తులను సైతం అమ్ముకున్నట్లు తానే స్వయంగా చెప్పుకొచ్చారు. అంటే సినిమా ఎంతో నమ్మకంతో రూపొందించారని స్పష్టంగా అర్థమవుతుంది. ఇక ఈ సినిమా హీరో ఆకాష్‌ పూరి ఈ చిత్రానికి సంబంధించిన కొన్ని ఆసక్తికరమైన విషయాలను పంచుకున్నాడు. నా తొలి సినిమా ‘చిరుత’ నుంచి ‘మెహబూబా’ వరకూ ప్రతి సినిమాకి ఎంతో కొంత నటన నేర్చుకుంటున్నా. రామ్‌చరణ్, ప్రభాస్, మహేశ్‌బాబు, పవన్‌ కల్యాణ్‌.. వంటి స్టార్ హీరోలతో నటించడం నా అదృష్టంగా భావిస్తున్నా. వారి లాగా ఆ స్థాయికి ఎదగాలంటే చాలా కష్టపడాలని నాకు తెలుసు.
ఈ సినిమా షూటింగ్‌లో ఓ సీన్ చేస్తున్నప్పుడు ఈ సీన్ చూసి నాన్న ‘సూపర్‌ సూపర్‌’ అన్నారు. అది నేను ఎప్పటికి మారిచిపోలేను. ఇక ఈ సినిమాలో హీరోయిన్‌ నేహాశెట్టితో పోటీ పడి మరి నటించాను. ఈ సినిమా నాన్నకు మంచి పేరును తీసుకొస్తుందని ఆశిస్తున్నాను. ఇలాంటి ప్రేమ కథ చిత్రం మా నాన్ననుంచి వస్తుందని అస్సలు ఊహించలేదన్నారు. నేను చదివింది ఇంటరే అయినప్పటికి అదే నాకు ఎంబీబీఎస్‌ పూర్తి చేసినట్టు అనిపిస్తోంది. ఇక నుంచి నా దృష్టి అంతా సినిమాలపైనే అని తెలిపారు. మెహబూబా మే 11న విడుదలకు సిద్ధమవుతోంది ఈ సినిమా కోసం మీతో పాటు నూను కూడా అతృతతో ఎదురుచూస్తున్నానన్నారు.
