మొక్కలు నాటిన నిర్మాత కిషోర్..

రాజ్యసభ సభ్యులు జోగినిపల్లి సంతోష్ కుమార్ ప్రారంభించిన గ్రీన్ ఇండియా ఛాలెంజ్ లో భాగంగా సుధాకర్ చెరుకూరి ఇచ్చిన ఛాలెంజ్ ను స్వీకరించి నేడు చేవెళ్ళ లోని తన వ్యవసాయ క్షేత్రంలో మొక్కలు నాటారు AK ఎంటర్ప్రైజెస్ నిర్మాత కిషోర్.

ఈ సందర్భంగా ఆయన మాట్లాడుతూ రాజ్యసభ సభ్యులు జోగినిపల్లి సంతోష్ కుమార్ చాలా మంచి కార్యక్రమాన్ని చేపట్టి మా అందరి చేత మొక్కలు నటించడం చాలా సంతోషకరమని ఈ పర్యావరణ పరిరక్షణ చేయడం మనందరి బాధ్యత అని కాబట్టి వాతావరణ కాలుష్యం తగ్గాలంటే విధిగా అందరూ తమకు తోచిన విధంగా మొక్కలు నాటాలని పిలుపునిచ్చారు.

ఈ సందర్భంగా శివనాద్ చైర్మన్ కేశినేని డెవలపర్స్; దాము నిర్మాత రజిత మూవీస్; రామజోగయ్య శాస్త్రి పాటల రచయిత ;ఘట్టమనేని వరప్రసాద్ డైరెక్టర్ పద్మాలయ స్టూడియోస్ లను గ్రీన్ ఇండియా ఛాలెంజ్ ను స్వీకరించి మొక్కలు నాటాలని కోరారు.