ఐపీఎల్ 2026లో లక్నో సూపర్ జెయింట్స్పై కేవలం 37 బంతుల్లో 93 పరుగులు చేసి విధ్వంసం సృష్టించిన ప్రియాన్ష్ ఆర్య, మ్యాచ్ అనంతరం ఆసక్తికర వ్యాఖ్యలు చేశారు. తాను నెట్స్లో ప్రత్యేకంగా సిక్సర్లు కొట్టడం ప్రాక్టీస్ చేయనని ఆర్య వెల్లడించారు. నేను కేవలం బంతిని సరిగ్గా టైమ్ చేయడం మరియు నా షాట్ సెలక్షన్పై మాత్రమే దృష్టి పెడతాను. సరైన టైమింగ్ కుదిరితే సిక్సర్లు అవే వస్తాయి అని ఆయన పేర్కొన్నారు.
కూపర్ కానల్లీతో కలిసి నెలకొల్పిన 182 పరుగుల భారీ భాగస్వామ్యం గురించి మాట్లాడుతూ.. మ్యాచులో ఒక వికెట్ త్వరగా పడినా, మేమిద్దరం సానుకూల దృక్పథంతో ఆడాము. కానల్లీ అద్భుతంగా ఆడాడు, అది నాకు కూడా ఎంతో ఆత్మవిశ్వాసాన్ని ఇచ్చింది అని చెప్పారు.
ముల్లన్పూర్ పిచ్ బ్యాటింగ్కు ఎంతో అనుకూలించిందని, బంతి బ్యాట్పైకి బాగా వస్తుండటంతో షాట్లు ఆడటం సులభమైందని ఆర్య తెలిపారు.పంజాబ్ కింగ్స్ కోచ్లు మరియు మేనేజ్మెంట్ తనపై ఉంచిన నమ్మకమే ఈ అద్భుత ప్రదర్శనకు కారణమని ఆయన కృతజ్ఞతలు తెలిపారు.
Also Read;భారత నౌకలపై ఇరాన్ దళాలు కాల్పులు
ఈ మ్యాచ్లో ప్రియాన్ష్ ఆర్య 9 సిక్సర్లు, 4 ఫోర్లతో చెలరేగి పంజాబ్ కింగ్స్ 254 పరుగుల భారీ స్కోరు సాధించడంలో కీలక పాత్ర పోషించారు. ఈ విజయంతో పంజాబ్ కింగ్స్ ఈ సీజన్లో వరుసగా ఆరో విజయాన్ని నమోదు చేసి, ఐపీఎల్ చరిత్రలో సీజన్ ఆరంభంలోనే ఈ ఘనత సాధించిన మొదటి జట్టుగా రికార్డు సృష్టించింది.