క‌న్నుగీటుతో దేశ వ్యాప్తంగా ఫుల్ క్రేజ్‌ను సొంతం చేసుకుంది ప్రియా ప్ర‌కాష్ వారియర్. ఈ అమ్మడు `ఒరు ఆడార్ ల‌వ్‌(తెలుగులో ల‌వ‌ర్స్ డే)` సినిమాతో సెన్సేష‌న‌ల్ స్టార్‌గా మారింది. ప్రియా త‌దుపరి సినిమాగా `శ్రీదేవి బంగ్లా` విడుద‌ల‌కు సిద్ధ‌మ‌వుతుంది. కాగా ఈ అమ్మడు తెలుగులో డెబ్యూ ఇవ్వ‌నున్న విషయం తెలిసిందే. నితిన్ హీరోగా చంద్ర‌శేక‌ర్ ఏలేటి ద‌ర్శ‌క‌త్వంలో రూపొంద‌నున్న ఓ సినిమాలో ప్రియా నటించనుంది. భ‌వ్య ఆనంద్ ప్ర‌సాద్ ఈ సినిమాను నిర్మించ‌నున్నారు.
ఇటీవ‌ల పూజా కార్య‌క్ర‌మాలు పూర్తి చేసుకున్న ఈ చిత్రం అతి త్వ‌ర‌లోనే సెట్స్ పైకి వెళ్ళ‌నుంది. అయితే కొద్ది రోజులుగా హైద‌రాబాద్‌లో ఉంటున్న ప్రియా ప్ర‌కాశ్ యూత్ ఫుల్ హీరో విజయ్ దేవ‌ర‌కొండ‌ని క‌లిసింది. ఆయ‌న‌తో ఫోటో దిగి త‌న ఇన్‌స్టాగ్రామ్‌లో షేర్ చేసింది. నువ్వంటే నాకు చాలా ఇష్టం అనే కామెంట్ ఫోటోకి పెట్టింది. ఈ పిక్‌ చూసిన నెటిజన్లు ప్రియా వారియర్ త్వ‌ర‌లో విజ‌య్‌తో క‌లిసి సినిమా చేసిన ఆశ్చ‌ర్య‌పోన‌క్క‌ర్లేదు అంటూ కామెంట్స్‌ పెడుతున్నారు. ప్ర‌స్తుతం ఈ ఫోటో నెట్టింట్లో వైర‌ల్‌గా మారింది.
