పాన్ ఇండియా స్టార్ ప్రభాస్ హీరోగా వ‌స్తున్న సినిమా సలార్. క్రేజీ డైరెక్టర్ ప్రశాంత్ నీల్ ద‌ర్శ‌క‌త్వంలో తెర‌కెక్కుతున్న ఈ సినిమా డిసెంబ‌ర్ 22న ప్రేక్ష‌కుల ముందుకు రానుంది. ఐతే, ‘కేజీయఫ్‌ 1,2 చిత్రాలు’, మరియు ‘సలార్’ సినిమా ఒకే యూనివర్స్‌లో తెరకెక్కున్నాయని అని సోషల్ మీడియాలో వార్తలు వైరల్ అయ్యాయి. ఈ నేపథ్యంలో ఈ వార్తల పై డైరెక్టర్ ప్రశాంత్ నీల్ స్పందించారు. ఆ వార్తల్లో నిజం లేదని ఓ ఆంగ్ల మీడియాకు ఇచ్చిన ఇంటర్వ్యూలో ఆయన తెలిపారు. కేజీఎఫ్, సలార్‌కు కనెక్షన్‌ ఉందనుకున్న వారిని నిరుత్సాహపరిచినందుకు క్షమాపణలు అంటూ ప్రశాంత్ నీల్ మొత్తానికి క్లారిటీ ఇచ్చాడు.
ఇక సలార్ సినిమాని రెండు భాగాలుగా విడుదల చేస్తున్నారు. సలార్ రెండు భాగాలు ఒకదాన్ని మించి మరొకటి జనాల్ని అలరిస్తుందని సలార్ టీమ్ బలంగా నమ్ముతోంది. ఇప్పటికే సలార్ పై ఉన్న అంచనాలు మరింతగా పెరిగిపోయాయి. రీసెంట్ గా సలార్ సెట్స్ లో సెలెబ్రేషన్స్ కూడా జరిగాయి. అవుట్ ఫుట్ బాగా వచ్చింది అని మేకర్స్ సెలెబ్రేషన్స్ చేసుకున్నారు. ఎంతైనా ప్రశాంత్ నీల్ పవర్ ఫుల్ యాక్షన్ డైరెక్టర్. ఏ విధంగా చూసుకున్నా.. ప్రభాస్ ను అద్భుతంగా చూపించడం ఖాయం. అందుకే, బయ్యర్లు కూడా ఈ సినిమా ఏరియాల రైట్స్ కోసం ఎగబడుతున్నారు.
అన్నట్టు సలార్ రెండు భాగాల కథ విషయానికి వస్తే.. సున్న‌పురాయి మైనింగ్, ఫార్మా మాఫియా నేపథ్యంలో యూఎస్ ఆర్మీతో ఈ స్టోరీ క‌నెక్ట్ అయి ఉంటుంది. స్టోరీ లైన్‌లో కొన్ని అంశాలు సలార్ రెండో పార్ట్ కి లింక్ అయ్యేలా ఉంటాయ‌ని టాక్. ప్రభాస్ క్యారెక్టర్ కూడా వెరీ పవర్ ఫుల్ గా ఉంటుందని అంటున్నారు. ఏది ఏమైనా యాక్షన్ అభిమానులకు సలార్ ఫుల్ కిక్ ఇవ్వనున్నాడు. ఇక ‘సలార్ 1’ రిలీజ్ అయిన వెంటనే.. ప్రభాస్ ఈ సినిమా రెండో పార్ట్ షూట్ ను కూడా స్టార్ట్ చేస్తారట. వచ్చే ఏడాది ఎండింగ్ నాటికి ‘సలార్ 2’ షూటింగ్ పూర్తి చేసేలా ప్లాన్ చేస్తున్న‌ట్లు తెలుస్తోంది.
Also Read:స్కాంగ్రెస్.. ‘డమ్మీ సర్వేల’ బాగోతం!
