భార‌త తెలుగు చిత్ర ప‌రిశ్ర‌మ‌లో సంచ‌ల‌నం సృష్టించిన చిత్రం బాహుబలి . ప్ర‌పంచ వ్యాప్తంగా విడుద‌లై తెలుగు సినిమా చ‌రిత్ర‌లో ఏ సినిమాకు ద‌క్కిన గౌర‌వం ఈ సినిమాతో ద‌క్కింద‌ని చెప్పాలి. ద‌ర్శ‌క‌దీరుడు రాజ‌మౌళీ ద‌ర్వ‌క‌త్వంలో తెర‌కెక్కిన ఈ చిత్రం ప్ర‌పంచ ప్ర‌త్యేక గుర్తింపును సంపాదించుకున్నారు. 2017 ఏప్రిల్ 28న విడుద‌లై తెలుగు సినిమా ఖ్యాతిని తెలియజేసింది. క‌రెక్ట్ ఇదే రోజు విడుద‌లైన ‘బాహుబలి: ది కన్‌క్లూజన్‌’ నేటితో ఏడాదిని పూర్తి చేసుకుంది.. ఈ సంద‌ర్భంగా హీరో ప్ర‌భాస్ ఫేస్ బుక్ వేదిక‌గా ధన్యవాదాలు తెలిపారు.
‘నేటితో మా సినిమా ‘బాహుబలి 2’ విడుద‌లై ఏడాది పూర్తి చేసుకుంది. ఈ రోజు నాకు ఎప్పటికీ స్పెష‌ల్. నా అభిమానులందరికీ థ్యాంక్స్. మీ అందరికీ నా ప్రేమను తెలియ‌జేస్తున్నా. ఈ అందమైన, భావోద్వేగంతో కూడుకున్న ప్రయాణంలో భాగస్వాములు అయినందుకు ధన్యవాదాలు. ఎస్‌.ఎస్‌. రాజమౌళి, చిత్ర యూనిట్‌కు ధన్యవాదాలు’ అని పోస్ట్‌లో తెలిపారు. ప్రస్తుతం ప్ర‌భాస్ న‌టిస్తున్న చిత్రం సాహో. ఈ సినిమాకు సుజీత్ ద‌ర్శ‌క‌త్వం వ‌హిస్తున్నారు. యూవీ క్రియేషన్స్‌ సంస్థ నిర్మిస్తుండ‌గా బాలీవుడ్ న‌టిశ్ర‌ద్దా క‌పూర్ ఇందులో హీరోయిన్‌గా న‌టిస్తుంది. ప్రస్తుతం ఈ సినిమా చిత్రీక‌ర‌ణ‌లో బిజీగా ఉంది.
