ఈ మధ్య కొత్త సినిమాలకు సంబంధించిన పోస్టర్స్‌, సీన్స్‌, లీక్ అవడం కామన్‌ అయిపోయింది. అయితే అలాంటివి కావాలనే పబ్లిసిటీ కోసం లీక్ చేస్తున్నారా? లేక నిజంగానే తెలియకుండా లీక్ అవుతున్నాయో తెలీదుగానీ సోషల్‌ మీడియాలో మాత్రం తెగ స్ప్రెడ్‌ అయిపోతున్నాయి.
అయితే ఇదిలా ఉండగా.. ప్రేమ్ దర్శకత్వంలో విజయ్ సేతుపతి, త్రిష జంటగా నటిస్తున్న తమిళ చిత్రం ‘96’. ఈ సినిమా సెట్లో తీసిన ఫొటోలు లీకై, సామాజిక మాధ్యమాలకు చేరడంపై త్రిష స్పందించింది. సినిమా సెట్ లో అభిమానులతో ఫొటోలు దిగేందుకు ఆలోచించనని, అయితే, షూటింగ్ లో, సెట్ లో తీసిన ఫొటోలను సామాజిక మాధ్యమాల్లో ఉంచవద్దని కోరింది.
ఎందుకంటే, ఆ ఫొటోలను ఓ సమయంలో విడుదల చేయాలని దర్శకుడి భావిస్తారని, అంతకంటే ముందుగానే, ఆ ఫొటోలను అభిమానులు బయటపెట్టడం కరెక్టు కాదని, దర్శకుడిని అగౌరవపరచడమే అవుతుందని తన ట్వీట్ లో త్రిష పేర్కొంది.
