సూపర్ స్టార్ మహేష్ బాబు హీరోగా పరశురామ్ దర్శకత్వంలో వస్తున్న యాక్షన్ అండ్ ఫ్యామిలీ ఎంటర్‌టైనర్ సర్కారు వారి పాట. వేసవిలో సినిమా అభిమానులకు ‘సూపర్ స్పెషల్’ ట్రీట్‌ను అందించడానికి మే 12న ప్రపంచవ్యాప్తంగా గ్రాండ్‌గా విడుదలకు సిద్ధమవుతుంది. ఈ నేపథ్యంలో ఈ సినిమా నుండి రెండవ పాట, పెన్నీ వీడియో సాంగ్ విడుదల చేసింది చిత్ర బృందం. ఈ సాంగ్ ద్యారా మహేష్ బాబు కుమార్తె సితార ఘట్టమనేని సిల్వర్ స్క్రీన్ కి తొలిసారిగా పరిచయం అయింది, ఈ పాట తండ్రీ-కూతురు ద్వయం అందమైన డాన్స్‌తో రూపొందింది.
బ్యాంక్ లోన్ తీసుకుని ఎగ్గొట్టడానికి ప్రయత్నిస్తే, నువ్వు గుడిలో ఉన్నా .. గుహలో ఉన్నా వదిలిపెట్టను అనే అర్థంలో మహేష్ వైపు నుంచి సాగే పాట ఇది. ఇప్పటికే ఈ సినిమా 10 మిలియన్స్ కి పైగా వ్యూస్ .. 500K ప్లస్ లైక్స్ ను సాధించడం విశేషం. సితార ఒక రాక్‌స్టార్ లా తన డ్యాన్స్ నైపుణ్యాలతో ఆకట్టుకుంది. దానితో పాటు తన హావభావాలతో అందరినీ ఆశ్చర్యపరిచింది. మహేష్ బాబు చాలా అందంగా కనిపించాడు. అంతేకాక తన స్టైల్ తో మెస్మరైజ్ చేశాడు.
ప్రస్తుతం ఈ సినిమా షూటింగ్ హైదరాబాద్‌ లో జరుగుతోంది. సినిమా నిర్మాణ పనులు తుదిదశకు చేరుకున్నాయి. మైత్రీ మూవీ మేకర్స్, GMB ఎంటర్‌టైన్‌మెంట్, 14 రీల్స్ ప్లస్ బ్యానర్ ల పై నవీన్ యెర్నేని, వై. రవిశంకర్, రామ్ ఆచంట, గోపీచంద్ ఆచంట సంయుక్తంగా నిర్మిస్తున్న ఈ చిత్రంలో కీర్తి సురేష్ కథానాయికగా నటిస్తోంది. ఈ సినిమాకి తమన్ సంగీతాన్ని సమకూర్చాడు.
