బోల్డ్ బ్యూటీ ‘పాయల్ రాజ్ పుత్’ ప్రధాన పాత్రలో దర్శకుడు అజయ్ భూపతి దర్శకత్వంలో వచ్చిన ‘మంగళవారం’ సినిమా ఇటీవల ప్రేక్షకుల ముందుకు వచ్చింది. ఈ రూరల్ థ్రిల్లర్‌ పై మొదటి నుండి మంచి బజ్ ఉంది. దీనికితోడు, విపరీతమైన ప్రమోషన్లు సినిమాకు మరింత హెల్ప్ అయ్యాయి. దాంతో, ఈ సినిమాకి బాక్సాఫీస్ దగ్గర మంచి ఓపెనింగ్స్ దక్కాయి. మొదటి రోజు ఈ సినిమా రూ: 4.3 కోట్ల గ్రాస్ కలెక్ట్ చేసింది. అలాగే, రెండో రోజుకు గానూ ఈ సినిమా రూ: 4.19 కోట్ల గ్రాస్ వసూలు చేసింది. ఇక మొత్తం రెండు రోజులకు గానూ రూ: 8.49 కోట్ల గ్రాస్ కు చేరుకుంది.
నిజానికి, వరల్డ్‌ కప్‌ ఫైనల్‌ కారణంగా ఆదివారం నాటి కలెక్షన్స్ పై భారీ ప్రభావం ఉంటుంది అనుకున్నారు. అయితే, మంగళవారం కి మాత్రం బాగానే కలెక్షన్స్ వచ్చాయి. అందుకు ప్రధాన కారణం యూత్ సినిమా పై ఎక్కువ ఆసక్తి చూపిస్తున్నారు. ఇప్పుడున్న బజ్ ప్రకారం, ముఖ్యంగా టికెట్ల కౌంటర్ల నుంచి వస్తున్న సమాచారం ప్రకారం.. చాలా చోట్ల బాగానే టికెట్లు తెగుతున్నాయి. బి.సి సెంటర్స్ లో కూడా దాదాపు హౌస్ ఫుల్ కలెక్షన్స్ వస్తున్నాయి. కేవలం పాయల్ రాజ్ పుత్ బోల్డ్ సీన్స్ కోసమే యువత ఈ సినిమా కోసం ఎగబడుతున్నారని టాక్.
పైగా రానున్న వారం రోజుల్లో ఈ సినిమా నిలకడగా ఉంటుందని అంచనా వేస్తున్నారు. అటు మంగళవారం యూఎస్ ఏ బాక్సాఫీస్ వద్ద కూడా 100 K డాలర్లను దాటింది. మంగళవారం సినిమాలో నందితా శ్వేత, దివ్య పిళ్లై, అజ్మల్ అమీర్, రవీంద్ర విజయ్, కృష్ణ చైతన్య, అజయ్ ఘోష్, శ్రవణ్ రెడ్డి మరియు శ్రీతేజ్ కీలక పాత్రల్లో నటించారు. ముఖ్యంగా దివ్య పిళ్లై పాత్ర ప్రేక్షకులను చాలా బాగా ఆకట్టుకుంది. అటు పాయల్ కి పోటీగా దివ్య పిళ్లై ఓ బోల్డ్ సీన్ లో రెచ్చిపోయింది. మొత్తమ్మీద మంగళవారం హిట్ సినిమాల లిస్ట్ లో చేరింది.
Also Read:ఆడియన్స్‌ను ఆకట్టుకునే.. మాధవే మధుసూదన
