భీమ్లా నాయక్‌..ట్రైలర్‌ ఎప్పుడో తెలుసా?

పవర్ స్టార్ పవన్ కళ్యాణ్‌ హీరోగా నటించిన భీమ్లానాయక్‌ ఈ నెల 25న ప్రేక్షకుల ముందుకురానున్న సంగతి తెలిసిందే. విడుదలకు ముందే భారీ అంచనాలు నెలకొనగా తాజాగా ఈ సినిమా ప్రీ రిలీజ్‌కు మంత్రి కేటీఆర్ ముఖ్యఅతిథిగా రానున్నారు.

ఇక సినిమా ప్రమోషన్‌లో భాగంగా ఇవాళ ట్రైలర్‌ని రిలీజ్ చేయనున్నారు. ట్రైలర్ ను ఈ రోజు రాత్రి 8 : 10 నిమిషాలకు విడుదల చేయబోతున్నట్టు మేకర్స్ ప్రత్యేక పోస్టర్ తో ప్రకటించారు. అభిమానులు ఆశించే రీతిలో ఈ ట్రైలర్ మాస్ తుఫాన్ ను క్రియేట్ చేయబోతోంది.

పవన్ కళ్యాణ్, రానా దగ్గుబాటి ప్రధాన పాత్రల్లో సాగర్ కె చంద్ర దర్శకత్వంలో తెరకెక్కిన ఈ చిత్రాన్ని సితారా ఎంటర్‌టైన్‌మెంట్స్ బ్యానర్ పై సూర్యదేవర నాగవంశీ నిర్మించారు. మలయాళ సూపర్ హిట్ ‘అయ్యప్పనుమ్ కోషియుమ్’ చిత్రానికి అఫీషియల్ రీమేక్ అన్న సంగతి తెలిసిందే.