బాలీవుడ్ బాదుషా షారుఖ్ ఖాన్ చాలా కాలం తర్వాత ‘పఠాన్’ మూవీతో బ్లాక్ బస్టర్ విజయాన్ని అందుకున్నాడు. తొలుత వివాదాలకు కేంద్రబిందువైన ఈ మూవీ రికార్డు స్థాయి వసూళ్లతో దూసుకుపోతుంది. పైగా పఠాన్ సినిమా దేశవ్యాప్తంగా విడుదలై అన్నీ రికార్డులను కొల్లగొడుతుంది. ఈ మూవీని చూడటానికి బంగ్లాదేశ్‌లోని ఢాకా నుంచి త్రిపురలోని అగర్తలకు ఒక కుటుంబం ప్రయాణించింది అంటేనే.. ఈ మూవీ క్రేజ్ అర్థం చేసుకోవచ్చు. అగర్తలలోని సినిమా హాల్ ఓనర్ సతాదీప్ సాహా ఇందుకు సంబంధించిన స్క్రీన్ షాట్‌ను ట్వీట్ చేశారు.
బంగ్లాదేశ్ ప్రభుత్వం ‘పఠాన్’ విడుదలకు నిరాకరించడంతో.. బంగ్లాలో ఉంటున్న ఆ భారతీయ కుటుంబం దగ్గర్లోని భారత నగరానికి చేరుకుని సినిమాని చూశారు. మరోపక్క బాక్సాఫీస్ వద్ద కూడా ‘పఠాన్’ రికార్డుల సునామీ సృష్టిస్తుంది. ఈ మూవీ కేవలం 8 రోజుల్లోనే రూ.667 కోట్ల గ్రాస్‌ను కలెక్ట్ చేసింది. దీంతో అత్యధిక గ్రాస్ వసూళ్లు చేసిన ఇండియన్ మూవీస్ లిస్టులో 8వ స్థానంలో నిలిచింది. ఈ క్రమంలోనే రజనీకాంత్ రోబో 2.0 (రూ.625 కోట్లు) రికార్డును దాటేసింది.
కాగా,ఈ లిస్టులో అమీర్ దంగల్ (రూ.2,024 కోట్లు), ప్రభాస్ బహుబలి-2 (రూ.1,810కోట్లు) టాప్‌లో ఉన్నాయి. ఈ లిస్ట్ లో పఠాన్ కి ప్లేస్ దక్కింది. మొత్తానికి పఠాన్ సినిమా రూ.1000కోట్ల కలెక్షన్ల వైపు నడుస్తున్న క్రమంలో.. ఈ మూవీని ప్రముఖ ఓటీటీ ప్లాట్‌ఫాం అమెజాన్‌ ప్రైం వీడియోస్ భారీ ధరకు దక్కించుకుందని టాక్ నడుస్తోంది. మార్చి మొదటి వారంలో ఈ మూవీ ప్రైంలో స్ట్రీమింగ్ అవుతుందని సమాచారం.
ఇవి కూడా చదవండి…
