క్రికెట్ ఆస్ట్రేలియా యాషెస్ 2025–26 సిరీస్ రెండో టెస్ట్ మ్యాచ్ కోసం తమ జట్టును ప్రకటించింది. గాయ కారణంగా ప్యాట్ కమిన్స్ ఇంకా జట్టులోకి రాలేదు. అందుకే మొదటి టెస్టులో ఉన్న అదే స్క్వాడ్ను మార్పులు లేకుండా కొనసాగించారు. డిసెంబర్ 4 నుండి బ్రిస్బేన్ గబ్బాలో ఇంగ్లాండ్తో జరగబోయే రెండో టెస్టుకు ఈ జట్టును ప్రకటించారు.
ఈ మ్యాచ్కు ముందు ఆస్ట్రేలియా స్క్వాడ్లో ఎలాంటి మార్పులు చేయలేదు. కమిన్స్ ఇంజరీ నుంచి పూర్తిగా కోలుకోకపోవడంతో స్టీవ్ స్మిత్ రెండో టెస్టులో కూడా జట్టుకు నాయకత్వం వహించనున్నాడు. సిరీస్ తొలి టెస్ట్కు ముందే కమిన్స్ తన తక్కువ నడుం భాగంలో లంబార్ బోన్ స్ట్రెస్ ఇంజరీ కారణంగా మ్యాచ్ను మిస్ అయ్యాడు. అతనికి పూర్తిగా కోలుకునేందుకు మరో రెండు వారాల సమయం ఇచ్చారు. ప్రస్తుతం కమిన్స్ రికవరీ చివరి దశలో ఉన్నాడు. అయితే జట్టుతో కలిసి బ్రిస్బేన్కు ప్రయాణించనున్నాడు.
కమిన్స్ మూడో టెస్టు నుండి ఆస్ట్రేలియా తరఫున తిరిగి ఆడతారని అంచనా. మొదటి మ్యాచ్లో భారీ విజయం సాధించిన ఆస్ట్రేలియా, బ్రిస్బేన్ టెస్టులో కూడా అదే పట్టు కొనసాగించాలని చూస్తోంది.
ఆస్ట్రేలియా రెండో టెస్ట్ స్క్వాడ్:
స్టీవ్ స్మిత్ (కెప్టెన్), స్కాట్ బోలాండ్, అలెక్స్ కేరీ, బ్రెండన్ డాగెట్, కామెరూన్ గ్రీన్, ట్రావిస్ హెడ్, జోష్ ఇంగ్లిస్, ఉస్మాన్ ఖవాజా, మార్నస్ లాబూషేన్, నాథన్ లియోన్, మైఖేల్ నీసర్, మిచెల్ స్టార్క్, జేక్ వెదరెల్డ్, బో వెబ్స్టర్.
Also Read:మావోయిస్టుల సంచలన ప్రకటన