ఆస్ట్రేలియాపై ఘన విజయం సాధించింది పాకిస్థాన్. ఆడిలైడ్ వేదికగా జరిగిన రెండో వన్డేలో పాకిస్థాన్ 9 వికెట్ల తేడాతో విజయం సాధించింది. ఆసీస్ విధించిన 164 పరుగుల లక్ష్యాన్ని 26.3 ఓవర్లలోనే చేధించింది. ఆయూబ్ 82 పరుగులతో రాణించగా షఫీఖ్ 64,బాబర్ అజామ్ 15 పరుగులతో నాటౌట్‌గా నిలిచారు.
అంతకముందు తొలుత బ్యాటింగ్ చేసిన ఆసీస్ 163 పరుగులకు ఆలౌట్ అయింది. పాకిస్థాన్ స్పీడ్ బౌల‌ర్ హ‌రిశ్ రౌఫ్ 8 ఓవ‌ర్లలో 29 పరుగులు ఇచ్చి కీల‌క‌మైన 5 వికెట్లను తీసుకున్నాడు. స్టీవ్ స్మిత్ 35 పరుగులు చేయగా మిగితా బ్యాట్స్‌మెన్ విఫలమయ్యారు.
ఈ మ్యాచ్‌లో పాకిస్థాన్ కీప‌ర్ రిజ్వాన్ వ‌ర‌ల్డ్ రికార్డును స‌మం చేశాడు. ఈ మ్యాచ్‌లో అత‌ను 6 క్యాచ్‌ల‌ను ప‌ట్టాడు. అయితే 7వ క్యాచ్‌ను అత‌ను చేజార్చాడు. న‌సీమ్ షా బౌలింగ్‌లో ఆడం జంపా ఇచ్చిన క్యాచ్‌ను అత‌ను 34వ ఓవ‌ర్‌లో వ‌దిలేశాడు. గ‌తంలో ఈ రికార్డును 8 మంది కీప‌ర్లు అందుకున్నారు.
Also Read:Salman: సల్మాన్‌కు మళ్లీ బెదిరింపు
