పూరిజగన్నాధ్ దర్శకత్వంలో బాలకృష్ణ హీరోగా తెరకెక్కిన ‘పైసా వసూల్’ విడుదలకు రంగం సిద్దమైంది. రేపు ప్రపంచ వ్యాప్తంగా ప్రేక్షకులను ఫిదా చేసేందుకు వస్తున్నాడు తేడా సింగ్. పూరీ-బాలయ్య విలక్షణ కాంబినేషన్ కావడంతో సినిమాపై భారీ అంచనాలున్నాయి. ఇప్పటికే విడుదలైన టీజర్, ట్రైలర్స్ ఈ అంచనాలను ఆకాశానికి ఎత్తేశాయి. భవ్యక్రియేషన్స్ పతాకంపై సెప్టెంబర్ 1న విడుదలకానున్న ఈచిత్రానికి ఇప్పటికే అడ్వాన్స్ బుకింగ్స్ పూర్తయ్యాయి. సిటీలోని అన్నిథియేటర్లలో సినిమాకు భారీడిమాండ్ కన్పిస్తోంది.
తెలుగు రాష్ట్రాల్లో పైసా వసూల్ విడుదల సందర్భంగా థియేటర్ల ముందు సందడి చేసేందుకు అభిమానులు ఏర్పాట్లు చేసుకుంటున్నారు. బాలయ్యకు బాగా క్రేజ్ ఉన్న మాస్ సెంటర్లలో సినిమా ప్రచారం హోరెత్తేలా పండగ వాతావరణాన్ని తలపించేలా థియేటర్లను ముస్తాబుచేశారు.
బాలకృష్ణ వందో సినిమాగా తెరకెక్కిన ‘గౌతమీ పుత్ర శాతకర్ణి’ 77 కోట్ల వసూళ్లను రాబట్టగా పైసా వసూల్‌తో ఆ రికార్డును చెరగరాస్తాడని చిత్రయూనిట్ భావిస్తోంది. పైసా వసూల్కు 46 కోట్ల బడ్జెట్ అయినట్లు సమాచారం. అయితే ప్రీ రిలీజ్ బిజినెస్‌లో భాగంగా శాటిటైట్ రైట్స్ అన్నీ కలుపుకుని 8కోట్ల వరకు వచ్చేసింది. డిజిటల్ రైట్స్, అదర్ లాంగ్వేజెస్, థియేటర్ రైట్స్ ఇలా అన్నీ కలిపి రిలీజ్‌కు ముందే మంచి లాభాలు వచ్చాయి. సినిమా విడుదల తర్వాత శాతకర్ణి రికార్డులు తిరగరాస్తు పైసా వసూళ్లు రాబట్టడం ఖాయమని సినీ పండితులు అంచనా వేస్తున్నారు.
