‘పుష్ప-2’ విడుదలై సంవత్సరం పూర్తయిన సందర్భంగా హీరో అల్లు అర్జున్ సోషల్ మీడియాలో ప్రత్యేకంగా స్పందించారు. ఈ సందర్భంగా చిత్ర దర్శకుడు సుకుమార్కు, మొత్తం చిత్రబృందానికి, అలాగే అభిమానులకు హృదయపూర్వక కృతజ్ఞతలు తెలిపారు. తన కెరీర్లో ఎంతో ప్రత్యేకస్థానం దక్కించుకున్న ఈ సినిమా, తనకు జీవితాంతం గుర్తుండిపోయే ప్రయాణమని ఆయన పేర్కొన్నారు.
అల్లు అర్జున్ తన పోస్ట్లో, ‘పుష్ప-2 నా జీవితంలో ఒక మైలురాయి. ఈ చిత్రాన్ని ఇంతటి విజయానికి తీసుకెళ్లిన అందరికీ నా నమస్కారాలు. ప్రతి ప్రేక్షకుడి ప్రేమ, ప్రతి అభిమాని ఇచ్చిన ప్రోత్సాహం నన్ను ఎప్పటికీ ముందుకు నడిపే శక్తి. సుకుమార్ కథ చెప్పిన విధానం, ఆయన సృష్టించిన ప్రపంచం నిజంగా అపురూపం. ఈ ప్రయాణం నాకు మరుపురాని అనుభవం’ అని రాశారు.
ప్రపంచవ్యాప్తంగా ఘనవిజయం సాధించిన ‘పుష్ప: ది రూల్’ విడుదలై ఏడాది పూర్తయిన ఈ సందర్భం, అభిమానుల్లో కూడా ఆసక్తిని రేకెత్తించింది. ఈ చిత్రం తర్వాత అల్లు అర్జున్కు గ్లోబల్ స్థాయిలో మరింత గుర్తింపు లభించింది.
Also Read:సోషల్ మీడియా ఖాతాలు పరిశీలించాకే H-1B వీసాలు!