కింగ్‌ నాగార్జున మెయిన్‌రోల్‌ లో నటించిన సినిమా ‘రాజుగారి గది2’. ప్రస్తుతం ఈ సినిమా పోస్ట్ ప్రొడక్షన్ పనులను జరుపుకుంటోంది. అయితే ఈ సినిమాని దీపావళి కానుకగా అక్టోబర్ 13న విడుదల చేస్తున్నట్టుగా చిత్ర టీమ్‌ తెలిపింది.
దాంతో రవితేజకు టెన్షన్ పట్టుకుందనే టాక్ వినిపిస్తోంది. ఎందుకంటే రవితేజ తాజా చిత్రంగా రూపొందుతోన్న ‘రాజా ది గ్రేట్’ అక్టోబర్ 12న ప్రేక్షకుల ముందుకు రానుంది. అనిల్ రావిపూడి దర్శకత్వం వహిస్తోన్న ఈ సినిమాపై రవితేజ చాలా హోప్స్ పెట్టుకున్నాడు.
రవితేజకి ఇటీవలికాలంలో సరైన హిట్ లేదు. ఇక ఈ సినిమాతో తప్పకుండా సక్సెస్ ను సాధిస్తాననే నమ్మకంతో వున్నాడు. కానీ.. ‘రాజుగారి గది 2’ రిలీజ్ డేట్ చెప్పేయడంతో రవితేజాకు టెన్షన్ పట్టుకుంది.
అంతేకాకుండా నాగార్జున .. సమంతా వంటి స్టార్స్ ఈ సినిమాలో ఉండటం, గతంలో హిట్ కొట్టిన ‘రాజుగారి గది’ ప్రభావం ఈ సినిమాపై గట్టిగానే ఉంది. అందుకే ఆ ప్రభావం ‘రాజా ది గ్రేట్’ పై పడుతుందనే భయంతో ఉన్నాడు రవితేజ. చూడాలి మరి ఏ సినిమా ప్రభావం ఎలా ఉంటుందో.
