ఎన్టీఆర్ , కొరటాల కాంబినేషన్ లో రాబోతున్న పాన్ ఇండియా మూవీ NTR30 షూటింగ్ వాయిదా పడుతూ వస్తుంది. నిజానికి ఈ పాటికి ఈ సినిమా సెట్స్ పైకి రావల్సింది. ఈ ప్రాజెక్ట్ ఎనౌన్స్ చేసి చాలా నెలలవుతుంది కానీ ఇంత వరకు షూటింగ్ మొదలు కాలేదు. చిరంజీవి తో కొరటాల శివ తీసిన ‘ఆచార్య’ డిజాస్టర్ గా నిలిచింది. ఆ సినిమా రిజల్ట్ తర్వాత కొరటాల లెక్కలు మారాయి. అప్పటి వరకు ఒక్క ఫ్లాప్ లేకుండా కెరీర్ ను కొనసాగిస్తూ వచ్చిన కొరటాలకు ఆచార్య రూపంలో పెద్ద బ్రేక్ పడింది. ఇప్పుడు ఆచార్య ను ఆ మరిచేలా ఓ అదిరిపోయే సినిమాతో రావాలని కొరటాల భావిస్తున్నాడు.
ఇందుకోసమే పదే పదే స్క్రిప్ట్ రిపేర్లు చేస్తున్నాడు. ఇక తారక్ , కళ్యాణ్ రామ్ కూడా ఎప్పటికప్పుడు కొరటాల కి సజీషన్స్ ఇస్తూ వస్తున్నారట. అలాగే టీమ్ తో ఎప్పటికప్పడు బెస్ట్ ఔట్ పుట్ తీసుకుంటూ కొరటాల ముందుకెళ్తున్నాడు.
ఇక ఎన్టీఆర్ కూడా ఈ సినిమా విషయంలో స్పెషల్ కేర్ తీసుకుంటున్నాడు. RRR తర్వాత తన నుండి రాబోయే పాన్ ఇండియా మూవీ కాబట్టి ఎక్కువ జాగ్రత్తలు తీసుకుంటూ కొరటాలతో డిస్కషన్ చేస్తున్నాడు. తాజాగా ఈ సినిమా షూటింగ్ ఫిబ్రవరి నుండి మొదలు కానుందని వచ్చే ఏడాది థియేటర్స్ లోకి రానుంది ఎన్టీఆర్ ప్రకటించారు.
కానీ ఇప్పుడు పరిస్థితి చూస్తుంటే ఈ సినిమా షూటింగ్ అనుకున్నట్లు ఫిబ్రవరిలో మొదలయ్యేలా కనిపించడం లేదు. ఈ నెలాఖరున పూజా కార్యక్రమాలు ఉంటాయి కానీ షూటింగ్ కి ఇంకా టైం తీసుకోనున్నట్లు తెలుస్తుంది. ఎన్ టి ఆర్ కూడా లేటయినా పర్లేదు కానీ సాలిడ్ కంటెంట్ తోనే వెళ్దాం అంటూ టీంతో చెప్తూనే ఉన్నాడని అంటున్నారు. ఈ సినిమా షూటింగ్ మార్చ్ ఎండింగ్ లేదా ఏప్రిల్ లో మొదలయ్యే అవకాశం కనిపిస్తుంది. మరి మేకర్స్ ఘాట్ పై క్లారిటీ ఇస్తూ అప్ డేట్ ఎప్పుడు వదులుతారో అంటూ తారక్ ఫ్యాన్స్ ఆసక్తిగా ఎదురుచూస్తున్నారు.
ఇవి కూడా చదవండి…
