అల..వైకుంఠపురంలో సినిమాతో భారీ సక్సెస్ ను సాధించారు దర్శకుడు త్రివిక్రమ్ శ్రీనివాస్. ఈమూవీ నాన్ బాహుబలి ఆల్ టైం ఇండస్ట్రీ రికార్డును సృష్టించింది. ఈమూవీ తర్వాత ఎన్టీఆర్ తో త్రివిక్రమ్ శ్రీనివాస్ సినిమా చేయనున్నాడని ఫిలిం నగర్ వర్గాల సమచారం. ఎన్టీఆర్ ఆర్ట్స్, హారిక అండ్ హాసిని క్రియేషన్స్ సంస్థలు కలిసి ఈ సినిమాను నిర్మించనున్నారని తెలుస్తుంది.
ఈసినిమాలో తారక్ కు జోడిగా నివేధా పేతురాజ్, కియారా అద్వానిల పేర్లను పరిశీలిస్తున్నారు. ఈ సినిమా కోసం ‘‘అయినను పోయి రావలెను హస్తినకు’’ అనే టైటిల్ ఫిలిం చాంబర్లో రిజిష్టర్ చేయించారని తెలుస్తోంది. తారక్ కు ఇది 30వ సినిమా కావడంతో #Tarak30 హ్యాష్ ట్యాగ్‌తో సోషల్ మీడియాలో వైరల్ గా మారింది. ఈ సినిమాకి సంబంధించిన అఫీషియల్ అనౌన్స్‌మెంట్ ఫిబ్రవరి 19 సాయంత్రం 5 గంటలకు రానుంది. పూర్తీగా రాజకీయాల నేపథ్యంలో ఈసినిమా తెరకెక్కనున్నట్లు తెలుస్తుంది. త్రివిక్రమ్, ఎన్టీఆర్ కాంబినేషన్ లో తెరకెక్కిన అరవింద సమేత వీరరాఘవ మూవీ విజయం సాధించిన సంగతి తెలిసిందే. మరోసారి వీరిద్దరి కాంబినేషన్ లో సినిమా వస్తుండటంతో ఈమూవీపై భారీ అంచనాలు నెలకొన్నాయి.
