యంగ్ టైగర్ ఎన్టీఆర్, కొరటాల శివ కాంబినేషన్‌లో రాబోతున్న పాన్ ఇండియా సినిమాలో మెయిన్ విలన్ గా బాలీవుడ్ స్టార్ సైఫ్ అలీ ఖాన్ ఫైనల్ అయ్యాడు. ఇప్పుడు మరో యంగ్ విలన్ కూడా ఫైనల్ అయినట్లు తెలుస్తోంది. తమిళ యంగ్ హీరో హరీష్ కళ్యాణ్ ను తీసుకుంటున్నట్లు తెలుస్తోంది. హరీష్ కళ్యాణ్ ఇప్పటికే నాని హీరోగా వచ్చిన జెర్సీ సినిమాలో కూడా నటించాడు. సాఫ్ట్ గా కనిపించే హరీష్ కళ్యాణ్, ఎన్టీఆర్ లాంటి మాస్ హీరోకి విలన్ అంటే.. ఎలా వర్కౌట్ అవుతుందో చూడాలి. తమిళంలో హరీష్ కళ్యాణ్ హీరోగా సినిమాలు చేస్తున్నాడు. మంచి నటుడు. కాబట్టి.. కొరటాల అతనికి మంచి క్యారెక్టర్ ఇచ్చి ఉండొచ్చు.
Also Read: సుధీర్ బాబు… ‘మామా మశ్చీంద్ర’ టీజర్‌
సముద్రం బ్యాక్ డ్రాప్ హై వోల్టేజ్ యాక్షన్ ఎంటర్టైనర్‌గా ఈ సినిమా తెరకెక్కుతోంది. ప్రస్తుతం ఈ సినిమా రెగ్యులర్ షూటింగ్ శరవేగంగా జరుగుతుంది. ప్రజెంట్ ఎన్టీఆర్ – జాన్వీ కపూర్ – ప్రకాష్ రాజ్ లపై కొన్ని కీలక సీన్స్ ను తీస్తున్నారు. హాలీవుడ్ స్టార్ యాక్షన్ కొరియోగ్రాఫర్ కెన్నీ బేట్స్ ఈ సినిమాకు కొన్ని కీలకమైన యాక్షన్ సన్నివేశాలు కంపోజ్ చేస్తున్నాడు. ఈ సినిమాను తెలుగు, హిందీ, తమిళ, క‌న్న‌డ, మ‌ల‌యాళ భాష‌ల్లో ఏప్రిల్ 5, 2024న విడుదల చేయనున్నారు. యువసుధ ఆర్ట్స్, ఎన్టీఆర్ ఆర్ట్స్ బ్యానర్లపై రాబోతోంది ఈ మూవీ. అంతర్జాతీయ మూవీగా కొరటాల శివ ఈ చిత్రాన్ని తెరకెక్కించబోతున్నాడు.
Also Read: Selfish:చైత్రగా ఇవానా
