విశ్వనటుడు నందమూరి తారక రామారావు జీవిత చరిత్రను ‘ఎన్టీఆర్ బయోపిక్’ గా ప్రేక్షకుల ముందుకు తీసుకొస్తున్న విషయం తెలిసిందే. నందమూరి బాలకృష్ణ ఈ చిత్రంలో తానే లీడ్ రోల్ పోషిస్తూ స్వయంగా నిర్మాణ బాధ్యతలు చేపట్టారు. ఎన్‌బీకె ఫిలిమ్స్ బ్యానర్‌పై రూపొందిన ఈ సినిమాకు క్రిష్ దర్శకత్వం వహించారు. చిత్రాన్ని ‘కథానాయకుడు’, ‘మహానాయకుడు’ అనే రెండు భాగాలుగా తీర్చిదిద్దుతున్నారు. మొదటి భాగాన్ని జనవరి 9న, రెండో భాగాన్ని ఫిబ్రవరి 7న విడుదల చేయనున్నారు.
తాజాగా ‘కథానాయకుడు’ సెన్సార్ కార్యక్రమాలను పూర్తిచేసుకుని, క్లీన్ ‘యు’ సర్టిఫికేట్‌ను సంపాదించుకుంది. ఎలాంటి కట్స్ లేకుండా ఈ సినిమా క్లీన్ ‘యు’ సర్టిఫికేట్‌ను పొందడం విశేషం. దీనికి సంబంధించి తాజాగా ఓ పోస్టర్ రిలీజ్ చేశారు. ప్రేక్షకలోకంలో ఎంతో ఆసక్తి రేపుతున్న ఈ చిత్రంలో విద్యాబాలన్, కళ్యాణ్ రామ్, రానా, హన్సిక, పాయల్ రాజ్ పుత్, నిత్యామీనన్, రకుల్ ప్రీత్ సింగ్ లాంటి ముఖ్య పాత్రల్లో నటిస్తున్నారు.
