ఎన్టీఆర్ ఫ్యాన్స్ సోషల్ మీడియాలో ఆగ్రహంతో ఊగిపోతున్నారు. ఓ తెలుగు ఎంటైర్ టైన్ మెంట్ ఛానల్ పై కారాలుమిరాయాలు నూరుతున్నారు. ఇంతకీ ఎన్టీఆర్ ఫ్యాన్స్ కోపానికి కారణం ఏంటి? ఫ్యాన్స్ కి ఆ ఛానల్ కి మధ్య గొడవేంటి? తెలుసుకోవాలంటే వాచ్ దిస్ స్టోరీ.
ఎన్టీఆర్ ఫ్యాన్స్ తీవ్ర ఆగ్రహం వ్యక్తం చేస్తున్నారు. ఇప్పుడు అంత కొంపలు మునిగిపోయే పని ఏం జరిగిందనే కదా మీ డౌట్. జనతా గ్యారేజ్ తారక్ కెరియర్ లోనే బిగ్గెస్ట్ హిట్ మూవీ. కలెక్షన్ల పరంగా టాలీవుడ్ టాప్ 3 మూవీస్ లో నిలిచింది గ్యారేజ్. ఇటీవలే ఈ చిత్రం 39 కేంద్రాల్లో 50 రోజులు పూర్తి చేసుకుంది. అయితే కనీసం 100 రోజులైన థియేటర్లలో సందడి చేయకముందే ఈ చిత్రం దీపావళికి బుల్లితెరపై ప్రసారం కాబోతుంది. ఇదే ఎన్టీఆర్ ఫ్యాన్స్ ఆగ్రహానికి కారణం. ఇంత తక్కువ టైంలోనే సినిమా టీవీలో ప్రసారం అయితే.. రికార్డులు మిస్సవుతాయని తారక్ ఫ్యాన్స్ ఆందోళనలో ఉన్నారు.
అందుకే సదరు ఛానల్ కు వ్యతిరేకంగా సోషల్ మీడియాలో నిరసన వ్యక్తం చేస్తున్నారు. అయితే ఛానల్ యాజమాన్యం మాత్రం ఈ విషయంలో వెనక్కి తగ్గేలా కనిపించడంలేదు. కోట్లు పెట్టి జనతా గ్యారేజ్ శాటిలైట్స్ రైట్స్ దక్కించుకోడంతో.. దీపావళి రోజున యాడ్స్ రూపంలో భారీగా దండుకోవాలని ప్లాన్ వేస్తున్నారు. మరీ, దీనిపై ఫ్యాన్స్ వెనక్కి తగ్గుతారా? లేక ఆ టీవీ ఛానల్ యాజమాన్యం వెనక్కి తగ్గుతుందా తెలియాలంటే దీపావళి వరకు ఆగాల్సిందే.
