ఎన్టీఆర్ బ‌యోపిక్ షూటింగ్ పనులు శ‌ర‌వేగంగా జ‌రుగుతున్నాయి. స్వర్గీయ ఎన్టీఆర్ పాత్ర‌లో బాల‌కృష్ణ న‌టించిన ఆయ‌న స‌తీమ‌ణి పాత్ర‌లో విద్యాబాల‌న్ న‌టిస్తున్నారు. ముందుగా అనుకున్న షెడ్యూల్ ప్ర‌కారం ప‌క్కా ప్ర‌ణాళిక‌తో సినిమాను తెర‌కెక్కిస్తున్నారు ద‌ర్శ‌కుడు క్రిష్. ఇప్ప‌టికే ఈసినిమాలో న‌టిస్తున్న ప్ర‌ముఖుల ఫ‌స్ట్ లుక్ లు కూడా విడుద‌ల చేసిన సంగ‌తి తెలిసిందే.
అయితే సంక్రాంతి పండుగ సంద‌ర్భంగా ఈసినిమాను విడుద‌ల చేయ‌నున్నారు. జ‌న‌వ‌రి 9వ తేదిన మూవీ మొద‌టి పార్టును విడుద‌ల చేయ‌నున్నారు. ఇక రిలీజ్ డేట్ ద‌గ్గ‌ర ప‌డుతుండ‌టంతో షూటింగ్ పనులు చ‌క‌చ‌కా జ‌రుగుతున్నాయి. ఈ నేప‌థ్యంలో ఈమూవీ ఆడియో వేడుక‌కు సంబంధించిన ఓ వార్త సోష‌ల్ మీడియాలో చ‌క్క‌ర్లు కొడుతుంది.
ఈమూవీ ఆడియో వేడుకను తిరుప‌తి లో నిర్వ‌హించేందుకు ప్లాన్ చేస్తున్నార‌ట చిత్ర‌యూనిట్. డిసెంబ‌ర్ 16న తిరుప‌తిలో ఆడియో వేదిక జ‌రుప‌నున్నట్లు స‌మాచారం. ఈఆడియో వేదిక‌కు ప‌లువురు రాజ‌కీయ, సినీ ప్ర‌ముఖ‌లు హాజ‌రుకానున్న‌ట్లు తెలుస్తుంది. ఈసినిమాను హీరో బాల‌కృష్ణ నిర్మిస్తుండ‌గా, యం యం కిర‌వాణి సంగీతం అందిస్తున్నారు. చాలా మంది ప్ర‌ముఖ న‌టులు ఈసినిమాలో న‌టిస్తుండ‌టంతో అంచనాలు మరింతగా పెరిగిపోతున్నాయి.
