వెండితెర‌పై సంచ‌ల‌నాలు సృష్టించిన జూనియ‌ర్ ఎన్టీఆర్ ప్రస్తుతం వరుస సక్సెస్‌లను ఎంజాయ్ చేస్తున్నాడు. ప్రస్తుతం లవకుశ సినిమా చేస్తున్న ఎన్టీఆర్… బుల్లితెర ఎంట్రీకి సిద్ధ‌మ‌వుతున్నాడు. సోష‌ల్ మీడియాపై మొద‌ట అంత‌గా దృష్టిపెట్ట‌ని జూనియ‌ర్ ఎన్టీఆర్ ఇప్పుడు ట్విట్ట‌ర్‌ను తెగ‌వాడేస్తున్నాడు. 2009లో ట్విట్ట‌ర్ ఖాతాను తెరిచిన ఎన్టీఆర్ పండుగ శుభాకాంక్ష‌ల నుంచి త‌న సినిమాల వ‌ర‌కు, త్వ‌ర‌లో ప్రారంభం కాబోతున్న త‌న టీవీ ప్రోగ్రాం నుంచి ప్ర‌ముఖుల‌కు శుభాకాంక్ష‌లు తెల‌ప‌డం వ‌ర‌కు అన్నింటికీ ఆయన ట్విట్ట‌ర్‌ను ఉప‌యోగించుకుంటున్నాడు.
తాజాగా ట్విటర్‌లో ఆయన ఫాలోవర్ల సంఖ్య మిలియన్‌ మార్కును దాటింది. ప్రస్తుతం తారక్‌ను 10,00,224 మంది ఫాలో అవుతున్నారు. ఎన్టీఆర్ తొలిసారి త్రిపాత్రాభినయం చేస్తున్న ‘జైలవకుశ’ను ఎన్టీఆర్ ఆర్ట్స్‌ పతాకంపై నందమూరి కల్యాణ్‌రామ్‌ నిర్మిస్తున్నారు. దసరా కానుకగా సెప్టెంబర్‌ 21న ప్రేక్షకుల ముందుకు రాబోతుంది.
ఇక ప్రముఖ దర్శకుడు హరీశ్‌ శంకర్‌ను ట్విటర్‌లో అనుసరించే వారి సంఖ్య 5లక్షలు దాటింది. ఈ సందర్భంగా ఆయన ‘500000 నమస్కారాలు. మీ ప్రేమకు కృతజ్ఞతలు. మరింతగా శ్రమించి మీకు మరిన్ని మంచి చిత్రాలు అందించేందుకు యత్నిస్తా’ అంటూ ట్వీట్‌ చేశారు.
