తెలుగు, తమిళ్‌తో పాటు మలయాళం, కన్నడ భాషల్లో తనకంటూ ఓ ప్రత్యేక గుర్తింపు తెచ్చుకుంది నిత్యామీనన్‌. నాని అ!,విజయ్ గీతగోవిందం వంటి సినిమాల్లో కీ రోల్ పోషించిన నిత్యా ప్రస్తుతం ప్రాణ సినిమాలో నటిస్తోంది. తెలుగు,తమిళ,మలయాళ,హిందీ భాషల్లో విడుదల కానుంది. వీకే ప్రకాశ్ దర్శకత్వం వహిస్తున్న ఈ చిత్రంలో నిత్య పాత్ర చుట్టే కథ తిరుగుతుంది.
ఇటీవలె విడుదల చేసిన ఫస్ట్ లుక్‌కి మంచి రెస్పాన్స్ రాగా తాజాగా మరో పోస్టర్‌ని విడుదల చేసింది. పోస్ట‌ర్‌ణి చాలా ఆసక్తికరంగా తీర్చిదిద్దారు. నెట్టింట్లో ప్రస్తుతం ఈ పోస్టర్‌ వైరల్‌గా మారింది. ఈ సినిమాలో ఆసక్తికర విషయం ఏంటంటే నిత్య ఒక్కతే యాక్టర్‌. సినిమా మొత్తం ఆమె చుట్టే నడుస్తుంది.
థ్రిల్ల‌ర్ మూవీగా తెర‌కెక్కుతున్న ఈ చిత్రానికి లూయిజ్ బ్యాంక్స్‌ సంగీతం అందిస్తుండగా ఇండియా టాప్ సినిమాటోగ్రాఫ‌ర్ పీసీ శ్రీరామ్ కెమెరామెన్‌గా ప‌నిచేస్తున్నారు. పోస్ట‌ర్స్‌తోనే భారీ అంచ‌నాలు పెంచుతున్న టీం సినిమాతో రికార్డులు తిరగరాయడం ఖాయమని ట్రేడ్ నిపుణులు అంచనా వేస్తున్నారు.
