‘మాచర్ల నియోజకవర్గం’ నుండి నితిన్ మాస్‌ లుక్..

యూత్ స్టార్ నితిన్ హీరోగా నటిస్తున్న లేటెస్ట్ మూవీ ‘మాచర్ల నియోజకవర్గం’. పక్కా మాస్ ఎంటర్టైనర్‌గా తెరకెక్కుతున్న ఈ సినిమా ద్వారా ఎం.ఎస్. రాజశేఖరరెడ్డి దర్శకుడిగా టాలీవుడ్‌కు పరిచయమవుతున్నాడు. ఈ చిత్రంలో కృతిశెట్టి, కేథరిన్ హీరోయిన్స్‌గా నటిస్తున్నారు. శ్రేష్ట్ మూవీస్ – ఆదిత్య మూవీస్ అండ్ ఎంటర్ టైన్మెంట్స్ పతాకాలపై ఎన్. సుధాకర్ రెడ్డి, నిఖితారెడ్డి నిర్మిస్తున్నారు.

తాజాగా ఈ సినిమా నుంచి గుంటురు కలెక్టర్ సిద్దార్ధ రెడ్డి పాత్రలో నటిస్తున్న నితిన్ ఫస్ట్ లుక్ పోస్టర్‌ను చిత్ర బృందం విడుదల చేశారు. దీనిలో నితిన్ సరికొత్త గెటప్‌లో కనిపిస్తున్నాడు.. ఇక ఈ లుక్ భారీ యాక్షన్ సీక్వెన్స్‌లోని అని అర్థమవుతోంది. ఈ యాక్షన్ మూవీకి మహతి స్వరసాగర్ సంగీతం అందిస్తున్నాడు.