నిఖిల్ సినిమా మరింత ఆలస్యం….

టాలీవుడ్ యంగ్ హీరో నిఖిల్ విభిన్నమైన కథా చిత్రాలతో ప్రేక్షకులను అలరిస్తుంటారు. 2014లో చందూ మొండేటి దర్శకత్వంలో ఆయన కథానాయకుడిగా వచ్చిన కార్తికేయ చిత్రం మంచి విజయాన్ని అందుకుంది. టాలీవుడ్ బాక్సాఫీస్ వద్ద భారీ వసూళ్లు రాబట్టింది. అయితే ఈ సినిమాకి సీక్వెల్ కూడా ఉంటుందని చిత్ర యూనిట్ హింట్ ఇచ్చిన సంగతి తెలిసిందే. అప్పటి నుంచి ఈ సీక్వెల్ పై ప్రేక్షకులు ఆసక్తిగా ఎదురు చూస్తున్నారు. మరోవైపు నిఖిల్, చందూ కూడా సీక్వెల్ చేయడానికి ప్రయత్నిస్తూనే ఉన్నారు.

ఇక ఎవరికి వారు వారి ప్రాజెక్టులలో బిజీ ఉండడంతో వీలుపడడంలేదు. ఇప్పుడు చేస్తోన్న ప్రాజెక్టులు పూర్తి కాగానే నెక్ట్స్ కార్తీకేయ-2 చేయాలని ఇటు నిఖిల్, అటు చందూ అనుకున్నారు. కానీ ఈ సీక్వెల్ మరింత ఆలస్యం కానుందని తెలుస్తోంది. చందూ ప్రస్తుతం నాగచైతన్య హీరోగా సవ్యసాచి చిత్రాన్ని చేస్తున్నారు. ఆ తర్వాత మైత్రీ మూవీ మేకర్స్ బ్యానర్ పై మరో ప్రాజెక్టు చేయనున్నారు. ఇక హీరో నిఖిల్ కూడా మరో సినిమాతో బీజీగా ఉండడంతో ఈ సీక్వెల్ మరింత ఆలస్యం కానుంది.