నేటి నుండి కేరళలో నైట్ కర్ఫ్యూ..

దేశంలో కరోనా సెకండ్ వేవ్ రోజురోజుకు తీవ్రరూపం దాల్చుతోంది. రోజుకు కేసుల సంఖ్య పెరిగిపోతుండటంతో ప్రజలను అప్రమత్తం చేస్తున్నాయి ఆయా రాష్ట్ర ప్రభుత్వాలు. ఇక ఇప్పటికే ఢిల్లీతో పలు రాష్ట్రాలు లాక్ డౌన్ బాట పట్టగా పలు రాష్ట్రాలు నైట్ కర్ఫ్యూ విధించాయి.

ఇక దేవభూమి కేరళలో కూడా నేటి నుండి నైట్ కర్ఫ్యూ అమల్లోకి రానుంది. కేరళ ప్రభుత్వ ప్రధాన కార్యదర్శి వీసి జాయ్ అధ్యక్షతన జరిగిన సమావేశంలో ఈ మేరకు నిర్ణయం తీసుకున్నారు. ఏప్రిల్ 20 అంటే నేటి నుండి ప్రతిరోజు రాత్రి 9 గంటల నుంచి 6 గంటల వరకు క‌ర్ఫ్యూ వేళలు అమల్లో ఉండనున్నాయి.

కేరళలో కొత్తగా 18257 కరోనా కేసులు నమోదుకాగా ఆ రాష్ట్రంలో ఇప్పటివరకు 12.39 లక్షలకు చేరాయి.