బాహుబలి 2తరువాత ప్రభాస్ యంగ్ డైరెక్టర్ సుజీత్ దర్శకత్వంలో సినిమా చెయ్యనున్నాడు. ఇది భారీ బడ్జెట్ తో పాటు భారీ యాక్షన్ తో కూడిన చిత్రమని చెబుతున్నారు. ఈ సినిమాలో హిందీ నటుడు నీల్ నితిన్ ముఖేశ్ కవలలుగా డ్యూయల్ రోల్‌లో కనిపించనున్నారట.
అందులో ఒకటి విలన్ పాత్ర, మరొకటి పాజిటివ్‌గా ఉండే హీరో స్నేహితుడి పాత్ర అని తెలుస్తోంది. ఇద్దరిలో విలన్ ఎవరో? స్నేహితుడు ఎవరో? ప్రభాస్ తెలుసుకునే సన్ని వేశాలు ఆసక్తికరంగా ఉంటాయట.తెలుగు, తమిళ, హిందీ భాషల్లో యూవీ క్రియేషన్స్ నిర్మించే ఈ యాక్షన్ థ్రిల్లర్‌లో డ్యూయల్ రోల్ చేయడానికి నీల్ నితిన్ ముఖేశ్‌ను సంప్రదించారట నిర్మాతలు.
దీంతో ఆయన ఈ మూవీలో నటించేందుకు గ్రీన్ సిగ్నల్ ఇవ్వడంతో పాటు, ప్రస్తుతం తెలుగు, తమిళ భాషలపై పట్టు సాధించే పనిలో ఉన్నాడట. ఇప్పటికే నీల్ నితిన్ తమిళ కత్తిలో విలన్ పాత్ర చేశాడు. తెలుగు ఆయనకు ఇది తొలిచిత్రం కాగా..దక్షిణాదిలో రెండో సినిమా. ఇక ఈ మూవీ జనవరి నుంచి ప్రారంభం కానున్నట్లు సమాచారం.
