కీవిస్‌తో టీ20 సిరీస్‌ను కైవసం చేసుకుని చరిత్రను తిరగరాసింది కోహ్లీ సేన. మరో రెండు టీ20లు మిగిలి ఉండగానే సిరీస్‌ను కైవసం చేసుకున్న భారత్‌ వన్డే సిరీస్‌ను కైవసం చేసుకోవాలని ఉవ్విళ్లూరుతోంది. అటూ కీవిస్ సైతం వన్డే సిరీస్‌ అయినా దక్కించుకుని పరువు నిలుపుకోవాలని భావిస్తోంది. ఈ నేపథ్యంలో వన్డేలకు జట్టును ప్రకటించింది న్యూజిలాండ్.
కివీస్‌, భారత్‌ మధ్య మూడు వన్డేల సిరీస్‌ ఫిబ్రవరి 5 నుంచి హామిల్టన్‌ వేదికగా ఆరంభంకానుండగా…. 14 మంది ఆటగాళ్లతో కూడిన వన్డే జట్టును న్యూజిలాండ్ సెలక్టర్లు ప్రకటించారు. స్కాట్‌ కుగెలిన్‌, హమీష్‌ బెనెట్‌ చాలా రోజుల తర్వాత జట్టులో చోటు దక్కించుకున్నారు. గ్రాండ్‌హోం ,జిమ్నీ నీషమ్‌, మిచెల్‌ సాంట్నర్‌ ఆల్‌రౌండ్‌ కోటాలో బరిలో దిగనున్నారు.
వన్డే జట్టు:
కేన్‌ విలియమ్సన్‌(కెప్టెన్‌), హమీశ్‌ బెనెట్‌, టామ్‌ బ్లండెల్‌, కోలిన్‌ గ్రాండ్‌హోం, మార్టిన్‌ గప్తిల్‌, కైల్‌ జామీసన్‌, స్కాట్‌ కుగెలిన్‌, టామ్‌ లాథమ్‌, జిమ్మీ నీషమ్‌, హెన్రీ నికోల్స్‌, మిచెల్‌ సాంట్నర్‌, ఇష్‌ సోధీ, టిమ్‌ సౌథీ, రాస్‌ టేలర్‌
