రాజా ది గ్రేట్‌, ట‌చ్ చేసి చూడు చిత్రాల‌తో సక్సెస్ బాట పట్టిన మాస్ మహరాజా రవితేజ ప్రస్తుతం కళ్యాణ్‌కృష్ణ కురసాల ద‌ర్శ‌క‌త్వంలో నేల టిక్కెట్టు సినిమాలో నటిస్తున్నాడు. ఎస్.ఆర్.టి ఎంటర్‌టైన్‌మెంట్స్ పతాకంపై రామ్ తాళ్లూరి నిర్మిస్తున్న ఈ చిత్రం మే 24న ప్రేక్ష‌కుల ముందుకు రానుంది. ఇప్పటికే సినిమా ప్రమోషన్‌లో బిజీగా ఉన్న చిత్రయూనిట్ పవర్ స్టార్ పవన్ కల్యాణ్‌ చేత ఆడియోను విడుదల చేయించగా… తాజాగా సినిమా ట్రైలర్‌ని విడుదల చేశారు.
అనుబంధాలు, ఆప్యాయతలకు విలువనిచ్చే ఓ యువకుడు తనవారి క్షేమం కోసం ఏం చేశాడన్నదే కాన్సెప్ట్‌తో ఈ సినిమా తెరకెక్కింది. ఎంత మంది కష్టాల్లో ఉన్నారో చూడ్రా.. కాని సాయం చేసేవాడు ఒక్కడూ లేడు .. అందుకే చుట్టూ జనంలో జనంలో మనం అంటూ రవితేజ చెప్పిన డైలాగ్ ఆకట్టుకుంటోంది. ఫస్ట్ టైం లైఫ్‌లో అమ్మ, అక్క, చెల్లి కాకుండా ఓ కొత్త రిలేషన్ కనిపిస్తుందిరా..ముసలితనం అంటే చేతకాని తనం కాదురా.. నిలువెత్తు అనుభవం..అంటూ డైలాగ్‌లను పేల్చేశాడు రవితేజ.
కామెడీ, ఎమోషన్, యాక్షన్, సెంటిమెంట్ మేళవింపుతో విడుదల చేసిన ట్రైలర్ మాస్ ఆడియన్స్‌ని ఆకట్టుకుంటోంది. రవితేజ సరసన మాళ‌విక శ‌ర్మ క‌థానాయిక‌గా న‌టిస్తున్న ఈ చిత్రంలో జగపతిబాబు, బ్రహ్మానందం, జయప్రకాష్, రఘుబాబు, సుబ్బరాజు, అలీ, పోసాని కృష్ణమురళి, ప్రియదర్శి ప్రధాన పాత్రలు పోషించారు. శక్తికాంత్ చిత్రానికి సంగీతం అందించారు. ట్రైలర్‌పై మీరు ఓ లుక్కేయండి..
