ఈనెల 10న నందమూరి బాలకృష్ణ పుట్టినరోజు. ఈ సందర్భంగా బాలయ్య ఫ్యాన్స్‌కు ట్రీట్‌ ఇచ్చాడు. బాలకృష్ట నెక్ట్స్‌ మూవీ దర్శకుడు గోపీచంద్ మలినేనితో చేస్తున్న విషయం తెలిసిందే.. కెరియర్ పరంగా బాలకృష్ణకి ఇది 107వ సినిమా. ఈ సినిమాకి ఇంకా టైటిల్‌ను ఖరారు చేయలేదు. కాగా,రేపు బాలకృష్ణ పుట్టినరోజు .. ఈ సందర్భాన్ని పురస్కరించుకుని ఈ సినిమా నుంచి తాజాగా టీజర్‌ను రిలీజ్ చేశారు. గతంలో మాదిరిగానే సింహాన్ని బాలకృష్ణకి సింబాలిక్‌గా చూపిస్తూనే.. మలుపులతో కూడిన దారి.. కార్ల వరసలు.. బాలయ్య మార్కు యాక్షన్‌ను టీజర్‌లో చూడొచ్చు.
మీ జీవో గవర్నమెంట్ ఆర్డర్,నా జీవో గాడ్స్ ఆర్డర్. భయం నా బయోడేటలోనే లేదు..ఇలాంటి డైలాగ్స్ చెప్పాలంటే..నందమూరి నటసింహానికే సాధ్యం. నరకటం మొదలు పెడితే ఏ పార్ట్ ఏదో కూడా తెలియదు నా కొడక్కల్లారా ? అంటూ పవర్ఫుల్ డైలాగ్స్‌తో అదరగొట్టాడు బాలయ్య. ఇందులో ఆయన లుక్ కొత్తగా బాగుంది. తమన్ సంగీతం ఈ సినిమాకి ప్రత్యేకమైన ఆకర్షణగా నిలిచే అవకాశాలు కనిపిస్తున్నాయి. శ్రుతి హాసన్ కథానాయికగా నటిస్తున్న ఈ సినిమాను దసరాకి రిలీజ్ చేయనున్నారు.
