నటసింహ నందమూరి బాలకృష్ణ హీరోగా జాతీయ అవార్డ్ విన్నింగ్‌ డైరెక్టర్‌ జాగర్లమూడి క్రిష్ దర్శకత్వంలో వై.రాజీవ్‌రెడ్డి, జాగర్లమూడి సాయిబాబు నిర్మిస్తున్న ప్రెస్టీజియస్ మూవీ`గౌతమిపుత్ర శాతకర్ణి`. బాలయ్యకు ఇది 100వ సినిమా కావ‌డంతో,,నందమూరి అభిమానులు ఈ చిత్ర కార్యక్రమాన్ని విన్నూత‌నంగా ఏర్పాటు చేస్తున్నారు. గతంలో బాలకృష్ణ డిక్టేట‌ర్ సినిమాకు 99 వాహనాల‌తో స్వాగతం ప‌లికిన ఎన్‌.బి.కె.హెల్పింగ్ హ్యాండ్స్ అధినేత జగన్ అండ్ టీమ్,,,100వ సినిమాకు భార‌తదేశ శ‌త పుణ్య‌క్షేత్ర జైత్ర‌యాత్ర‌ను నిర్వ‌హిస్తున్నారు. భార‌త‌దేశంలోని 100 ప్ర‌సిద్ధిగాంచిన పుణ్య‌క్షేత్రాల్లో 100 కేజీల కుంకుమార్చ‌నతో పాటు 23 శివ‌లింగాల‌కు రుద్రాభిషేక, స‌ర్వ‌మ‌త ప్రార్థ‌న‌లు నిర్వ‌హించ‌నున్నారు. ఈ భార‌తదేశ స‌ర్వ‌మ‌త శ‌త పుణ్య‌క్షేత్ర జైత్ర‌యాత్ర న‌వంబ‌ర్ 9న, నందమూరి బాలకృష్ణ చేతుల మీదుగా ప్రారంభం అయ్యింది.
41 రోజులు పాటు జ‌ర‌గునున్న ఈ జైత‌యాత్ర‌లో నందమూరి అభిమానులు పాల్గొంటున్నారు. నందమూరి బాలకృష్ణ జెండా ఊపి కార్యక్రమాన్ని ప్రారంభించారు. అలాగే కుంకుమ, ప్ర‌సాదాల‌ను అందించారు. జూబ్లీహిల్స్‌లోని నందమూరి బాలకృష్ణ ఇంటి వ‌ద్ద ఈ కార్య‌క్ర‌మానికి నాంది ప‌లికారు బాలకృష్ణ. జైత్ర‌యాత్ర మ‌హారాష్ట్ర నుండి ప్రారంభం అవుతుంది. జైత్ర‌యాత్ర పూర్త‌యిన వెంట‌నే ఓ హోమంను నిర్వ‌హించి కుంకుమ ప్ర‌సాదాల‌ను అభిమానుల‌కు అంద‌జేసేలా సన్నాహాలు చేస్తున్నారు. ఈ జైత్ర‌యాత్ర కార్య‌క్ర‌మంలో నందమూరి బాలకృష్ణ, నిర్మాత వై.రాజీవ్‌రెడ్డి, ద‌ర్శ‌కుడు జాగర్లమూడి క్రిష్, ఎన్‌.బి.కె.హెల్పింగ్ హ్యాండ్స్ జగన్ స‌హా అభిమానులు ఈ కార్య‌క్ర‌మంలో పాల్గొన్నారు. ఫస్ట్‌ ఫ్రేమ్స్‌ ఎంటర్‌టైన్‌మెంట్‌ ప్రై.లి.బ్యానర్‌పై ఈ చిత్రం రూపొందుతోంది.
బాలయ్య కెరీర్‌ కు ఓ మైలురాయిగా మిగలనున్న ఈ చిత్రాన్ని నందమూరి అభిమానులు కూడా ప్రెస్టిజియస్ ప్రాజెక్ట్ గా భావిస్తున్నారు. అందుకే గతంలో ఏ హీరో చేయని విధంగా ప్రత్యేక ఏర్పాట్లు చేశారు. గౌతమిపుత్ర శాతకర్ణి సినిమా టాలీవుడ్ చరిత్రలో మిగిలిపోవాలని ఈ యాత్ర చేపట్టారు. ప్రస్తుతం సినిమా చిత్రీకరణ ముగింపు దశకు చేరకుంది. పాటలు,,కొన్నిచిన్న చిన్న సీన్స్ మినహా షూటింగ్ మొత్తం కంప్లీట్ అయింది. సంక్రాంతి బరిలో సినిమా నిలవనుంది. వచ్చే నెలలో ఆడియోను రిలీజ్ చేయనున్నారు. తెలుగు చరిత్ర కు ఈ సినిమా ముడిపడి ఉండడంతో,,,టాలీవుడ్ ప్రేక్షకులంతా సినిమా కోసం ఆతృతగా ఎదురుచూస్తున్నారు. శ్రీయా ఇందులో హీరోయిన్‌గా నటిస్తోంది.
