తెలుగు, త‌మిళంలో వ‌రుస ప్రాజెక్టులు చేస్తూ దూసుకుపోతుంది న‌య‌న తార. ఇటీవ‌ల బాల‌య్య స‌ర‌స‌న జై సింహా అనే చిత్రంలో న‌టించిన నయనతార త్వ‌ర‌లో సైరా టీంతో క‌ల‌వ‌నుంది. అయితే నయన్‌ ప్ర‌స్తుతం నెల్స‌న్ దిలీప్ కుమార్ ద‌ర్శ‌క‌త్వంలో ‘కోకో’ అనే సినిమా చేస్తుంది. లైకా ప్రొడ‌క్ష‌న్ బేన‌ర్‌పై ఈ సినిమా తెరకెక్కనుంది.
ఈ చిత్ర ఫ‌స్ట్ లుక్‌ని మార్చి 5న, సింగిల్ ట్రాక్‌ని మార్చి 8న విడుద‌ల చేస్తున్న‌ట్టు చిత్ర యూనిట్ ప్ర‌క‌టించింది. బ్లాక్‌ కామెడీ కథా చిత్రంగా తెరకెక్కనున్న ఇందులో నటుడు యోగిబాబు ప్రధాన పాత్రను పోషిస్తున్నారు. కోకో అంటే కోలమావు కోకిల అని తెలుస్తుంది. ఈ చిత్రానికి అనిరుధ్‌ సంగీతాన్ని అందిస్తున్నారు. నయనతార చిత్రానికి ఈయన సంగీత బాణీలు కట్టడం ఇదే తొలిసారి . లేడి ఓరియెంటెడ్ చిత్రంగా తెర‌కెక్కుతున్న ఈ మూవీ ప్రేక్ష‌కుల‌ని త‌ప్ప‌క అల‌రిస్తుంద‌ని యూనిట్ చెబుతుంది.
