శ్రీవారి సేవలో నయన్-విఘ్నేశ్‌ దంపతులు..

గురువారం వివాహ బంధంతో ఓక్కటైన కోలివుడ్‌ జంట నయన తార,విఘ్నేశ్‌ శివన్‌ శుక్రవారం తిరుమల వెంకటేశ్వరస్వామిని దర్శించరుకున్నారు. వీరు తిరుమలలో శ్రీవారి కల్యాణోత్సవ సేవలో పాల్గొన్నారు. వెంకన్నకు మొక్కులు చెల్లించుకున్న నయన్‌ దంపతులకు టీటీడీ అర్చకులు తీర్థప్రసాదాలు అందించారు.

తిరుమలలో నయన్‌-విఘ్నేశ్‌ను చూసిన భక్తులు వారితో ఫోటోలు దిగి సంతోషపడ్డారు. అయితే నయన్‌,విఘ్నేశ్‌ ఇప్పటికే ప్రేమికులుగా పలుమార్లు శ్రీవారిని దర్శించుకున్నా.. ఇప్పుడు భార్యభర్తలుగా రావడం విశేషం. కాగా, నిన్న వైభవంగా జరిగిన వీరి పెళ్లి వేడుకకు టాలీవుడ్‌,బాలీవుడ్‌ నుండి పలువురు ప్రముఖులు హాజరైయ్యారు.