విజయశాంతి ప్రధాన పాత్రలో తెరకెక్కిన కర్తవ్యం సినిమా ఇండస్ట్రీ హిట్‌గా నిలిచిన సంగతి తెలిసిందే. తాజాగా అదే టైటిల్‌తో నయనతార ప్రధాన పాత్రలో గోపి నైనర్ దర్శకత్వంలో తెరకెక్కిన చిత్రం కర్తవ్యం.ఇటీవలె సెన్సార్ ఫార్మాలిటీస్‌ని పూర్తి చేసుకున్న ఈ చిత్రం మార్చి 16న ప్రేక్షకుల ముందుకురాబోతుంది.
పొలిటికల్ డ్రామాగా తెరకెక్కిన ఈ చిత్రంలో నయన్…. కలెక్టర్ గా మనకు కనువిందు చేయనుంది. తమిళం లో విడుదలైన ఈ చిత్రం నయనతార ఇమేజ్‌ను మరింతగా పెంచేసింది. తెలుగులో కూడా సినిమా హిట్‌గా నిలుస్తుందని నయన్ విశ్వాసంతో ఉంది.
ఈ సందర్భంగా ఆర్ రవీంద్రన్ మాట్లాడుతూ “తమిళం లో ఈ చిత్రం సూపర్ హిట్ గా నిలిచింది. నయనతార కెరీర్ లోనే పెద్ద విజయం సాధించిన ఈ సినిమా తెలుగు లో కూడా మంచి విజయం సాధిస్తుంది అని నమ్మకం మాకు ఉంది. పవన్ కళ్యాణ్ తో గబ్బర్ సింగ్ మరియు సర్దార్ గబ్బర్ సింగ్ వంటి సూపర్ హిట్ చిత్రాలు అందించిన నిర్మాత శరత్ మరార్ తో కలిసి ఈ చిత్రాన్ని విడుదల చేయటం చాల సంతోషం గా ఉంది. అని కార్యక్రమాలు పూర్తిచేసుకుని కర్తవ్యం చిత్రాన్ని త్వరలో విడుదల చేస్తాం.”మన్నారు. ఇక ఈ చిత్రానికి జీబ్రాన్ సంగీతం అందించగా, చక్రం, డేంజర్ మరియు కృష్ణార్జున చిత్రాలకి పనిచేసిన ఓం ప్రకాష్ ఈ చిత్రానికి కెమరామెన్ గా వ్యవహరిస్తున్నారు.
