లేడీ సూపర్ స్టార్ నయనతార సినిమాల షూటింగ్ లకు బ్రేక్ ఇచ్చింది. తన పిల్లల కోసమంటూ ఆమె సినిమాలు ఒప్పుకోవడం లేదు. ఐతే విదేశీ పర్యటనలు చేస్తూనే ఉంది. దాంతో పాటు యాడ్స్ షూటింగ్ లు కూడా కంటిన్యూ చేస్తోంది. ఎంత బిజీగా ఉన్నా.. నయనతార మాత్రం యాడ్స్ ఒప్పుకోవడం మాత్రం మానడం లేదు. ప్రస్తుతం ఆమె సంపాదన అంతా బ్రాండ్స్, ఇంస్టాగ్రామ్ పోస్ట్ ల ద్వారానే అని టాక్. సినిమాల్లో నటిస్తే వచ్చే అమౌంట్ కన్నా ఎక్కువే వీటి ద్వారానే నయనతారకు వస్తోందట. అందుకే, ఇవి మాత్రం నయనతార వదులుకోవడం లేదు.
తాజాగా నయనతార ముంబైలో ఉంది. అక్కడ ఒక యాడ్ షూటింగ్ లో పాల్గొంటోంది. యాడ్స్ లేనప్పుడు చెన్నైలో, లేదంటే ఏదైనా కంట్రీలో వెకేషన్. ఇది ప్రస్తుతం నయనతార లైనప్. ఐతే, ఆమె వచ్చే ఏడాది మాత్రం రెండు కొత్త సినిమాలు మొదలుపెడుతుంది అని సమాచారం. ఈ లోపు ఇలా తన యాడ్స్ కెరీర్ ను కొనసాగుతుంది. నిజానికి ‘జవాన్’ ఫలితంతో నయనతారకు ఫుల్ క్రేజ్ వచ్చింది. కాస్త గ్యాప్ తర్వాత భారీ హిట్ అనిపించుకున్న సినిమా పడింది నయనతారకు. పైగా గత కొన్ని సినిమాలుగా నయనతారకు నెగిటివ్ రిమార్క్ లే పడ్డాయి.
అందుకు తగ్గట్టుగానే నయనతార కూడా తన సినిమా ప్రమోషన్స్ కి రాదు. సినిమా గురించి ఇంటర్వ్యూలు ఇవ్వదు. అందుకే, నయనతార పై మేకర్స్ కూడా చాలా అసంతృప్తిగా ఉన్నారు. అయినా, ఆమెకు మాత్రం క్రేజీ ఆఫర్లు తగ్గడం లేదు. ఇప్పటికే, కమల్ హాసన్ – మణిరత్నం సినిమాలో కూడా నయనతారనే హీరోయిన్ గా నటించబోతుంది. అలాగే సూపర్ స్టార్ రజనీకాంత్ – లోకేష్ కనగరాజ్ సినిమాలో కూడా నయనతార పేరే వినిపిస్తోంది.
Also Read:#Nani31..అప్‌డేట్
