‘సైరా’.. నయనతార మోషన్ టీజర్

మెగాస్టార్ చిరంజీవి-లేడి సూపర్‌ నయనతార కాంబినేషన్‌లో తెరకెక్కుతున్న చిత్రం సైరా. స్వాతంత్య్ర పోరాటంలో తెలుగు ప్రజలను ముందుండి నడిపించిన ఉయ్యాలవాడ నరసింహారెడ్డి జీవిత చరిత్ర ఆధారంగా తెరకెక్కుతున్న ఈ చిత్రం వచ్చే ఏడాది వేసవిలో ప్రేక్షకుల ముందుకురానుంది. అమితాబ్ బచ్చన్, జగపతిబాబు, సుదీప్, సహా పలువురు అగ్ర నటులతో ఈ క్రేజీ ప్రాజెక్టును దర్శకుడు సురేందర్ రెడ్డి తెరకెక్కిస్తున్నాడు. తాజాగా ఈ సినిమా నుండి మోషన్ టీజర్‌ను విడుదల చేసింది చిత్ర బృందం.

ఈరోజు నయనతార పుట్టిన రోజు సందర్భంగా సైరా టీం ‘నయనతార మోషన్ టీజర్‘ను రిలీజ్ చేసింది. నయనతారకు ఈ సందర్భంగా చిత్ర యూనిట్ పుట్టినరోజు శుభాకాంక్షలు తెలిపింది. ఈ సినిమాలో నయనతార పేరు ‘సిద్దమ్మ’గా ఉంటుందని వెల్లడించింది. తెలుగు, తమిళం, హిందీ భాషల్లో ఏకకాలంలో ఈ సినిమాను విడుదల కానుంది.