న్యాచురల్ స్టార్ నాని ప్రస్తుతం జెర్సీ మూవీ బిజీగా ఉన్నాడు. ఈచిత్రానికి మళ్లీరావా మూవీ దర్శకుడు గౌతమ్ తిన్ననూరి తెరకెక్కిస్తున్నారు. ఈచిత్రంలో నాని క్రికెటర్ పాత్రలో కనిపించనున్నాడు. ఇప్పటికే టీజర్ , ఫస్ట్ లుక్ లు ప్రేక్షకులను ఆకట్టుకున్నాయి. ఎప్రిల్ 25న ఈచిత్రాన్ని విడుదల చేసేందుకు సన్నాహాలు చేస్తున్నారు. ఇక ఈ సినిమా తర్వాత నాని విక్రమ్ కుమార్ తో చేయనున్నాడు. త్వరలోనే ఈచిత్రం రెగ్యూలర్ షూటింగ్ ప్రారంభంకానున్నట్లు సమాచారం. 2019చివర్లో ఈసినిమాను విడుదల చేయనున్నారు. ఈ రెండు సినిమాల తర్వాత నాని మరో సినిమాకు గ్రీన్ సిగ్నల్ ఇచ్చాడు. నానిని హీరోగా పరిచయం చేసిన దర్శకుడు ఇంద్రకృష్ణ మోహనగంటి తో మల్టీస్టారర్ మూవీని చేయనున్నాడు.
ఈచిత్రంలో మరో హీరోగా సుధీర్ బాబు నటించనున్నాడు. ఇక క‌థానాయిక‌గా నాని స‌ర‌స‌న అదితిరావుని ఎంపిక చేసిన‌ట్టు ప్ర‌చారం జ‌రుగుతుంది. ఇంద్రగంటి సుధీర్ బాబు కాంబినేషన్ లో వచ్చిన సమ్మోహనం సినిమా భారీ విజయం సాధించిన సంగతి తెలిసిందే. అయితే సమ్మోహనం మూవీలో హీరోయిన్ గా నటించిన అదితిరావ్ ను ఈమూవిలో తీసుకున్నట్లు సమాచారం. ఈచిత్రానికి దిల్ రాజు నిర్మాతగా వ్యవహరించనున్నాడు. ఈచిత్రానికి సంబంధించిన అధికారిక ప్రకటన త్వరలో వెలువడనుందని తెలుస్తుంది. ఇక నాని ఇంద్రగంటి కాంబినేషన్ లో తెరకెక్కిన అష్టాచమ్మా, జెంటిల్ మెన్ సినిమాలు ఘన విజయం సాధించిన విషయం తెలిసిందే.
